49:570  esset  nondum  provecta,  quae  minus  reverentiae  habere  solet  Cavere  igitur  voluit  ne  quid  obstaret  quominus  fidelis  Christi  minister  in  iusto  pretio  haberetur:  nisi  forte  hoc  ipsum  pro  contemptu  duxit  Paulus,  si  eius  vita  curae  non  esset  ut  decebat.  Sed  videtur  latius  patere  hoc  praeceptum,  ne  incognita  Timothei  virtute  ipsum  vilipenderent.  Tertio  praecipit  ut  eum  in  pace  deducant:  hoc  est,  salvum  ab  omni  noxa.  Hic  enim  pax  incolumitatem  significat.  12.  De  Apollo  fratre.  Hic  Paulo  successerat  in  aedificandis  Corinthiis:  unde  superius  illi  attribuit  rigandi  partes.  Nunc  excusat  quod  non  veniat  cum  reliquis  :  et  ideo  excusat,  ne  suspicentur  Corinthii  ab  eo  fuisse  impeditum:  nam  quo  notior  erat  ipsis,  eo  propensiores  in  eum  erant:  et  proclivis  erat  coniectura,  id  ex  composito  actum  esse,  ut  propter  offensionem  ad  eos  non  accederet.  Certe  apud  se  quaerere  poterant1):  Cur  hos  potius  quam  Apollo  nobis  misit?  Respondet,  minime  per  se  stetisse,  quia  hortatus  sit  illum:  sed  venturum  promittit  occasione  data.  13.  Vigilate,  state  in  fide,  viriliter  agite,  robusti  estote.  14.  Omnia  vestra  in  caritate  fiant.  15.  Hortor  autem  vos  fratres,  nostis  domum  Stephanae  primitias  esse  Achaiae,  atque  ut  se  in  ministerium  sanctorum  ordinaverit:  16.  ut  etiam  subiecti  sitis  talibus  et  omnibus,  qui  cooperantur  et  laborant.  17.  Gaudeo  autem  de  praesentia  Stephanae,  et  Fortunati,  et  Achaici  :  quia  quod  deerat  a  vobis  ipsi  suppleverunt.  18.  Befocillarunt  enim  spiritum  meum  et  vestrum.  Agnoscite  ergo  tales.  19.  Salutant  vos  ecclesiae  Asiae.  Salutant  vos  multum  in  Domino  Aquila  et  Priscilla,  cum  domestica  eorum  ecclesia.  20.  Salutant  vos  fratres  omnes.  Salutate  vos  invicem  in  osculo  sancto.  21.  Salutatio  mea  manu  Pauli.  22.  Si  quis  non  amat  Dominum  Iesum  Christum,  sit  anathema  maranatha.  23.  Gratia  Domini  Iesu  Christi  sit  vobiscum.  24.  Dilectio  mea  cum  vobis  omnibus  in  Christo  Iesu,  Amen.  13.  Vigilate  ete.  Brevis  exhortatio,  sed  magni  ponderis.  Iubet  vigilare  ne  Satan  incautos  opprimat.  Sicuti  enim  perpetuum  bellum  est:  ita  perpetuae  excubiae  esse  debent.  Haec  autem  vigilantia  mentis  est:  dum  soluti  et  expediti  a  curis  terrenis  meditamur  quae  sunt  Dei.  Sicuti  enim  crapula  et  intemperie  gravatur  corpus,  ut  nullam  ad  rem  sit  utile:  ita  curae  et  cupiditates  mundi,  socordia  aut  securitas  instar  spiritualis  sunt  crapulae,  quae  mentem  obruit.  Secundum  est  ut  m  fide  perseverent,  vel  ut  fidem  retineant,  quo  sint  constantes:  quia  fundamentum  est  quo  nitimur.  *)  Potuissent  ergo  quaerere