25:570  liter  in  ipso  operatum  paulo  post  spreverunt,  Ideo  oblique  notatur  eorum  inconstantia,  quod  eo  superstite  et  usque  ad  mortem  seniorum  Deo  servierint.  Subest  enim  tacita  antithesis  lapsus,  et  alienationis,  dum  subito  obrepsit  beneficiorum  Dei  oblivio.  Non  mirum  igitur  est  si  hodie  quoque,  ubi  Deus  aliquos  ex  servis  suis  praeclaris  et  egregiis  dotibus  instruit,  eorum  autoritas  ordinem  et  statum  ecclesiae  tuetur  ac  conservat:  ipsis  autem  mortuis  statim  exoritur  tristis  dissipatio,  et  occulta  impietas  effraeni  licentia  prorumpit.  32.  Ossa  autem  Ioseph.  Tempus  quo  sepulta  fuerunt  ossa  Ioseph  non  praefigitur:  sed  colligere  promptum  est,  ex  quo  Israelitis  pacata  fuit  habitatio  urbis  Sichem,  officio  defunctos  esse.  Quamvis  enim  locum  sepulcro  certum  non  designasset,  honoris  tamen  causa  in  agro  quem  emerat  Iacob  (Gen.  33,  19)  ponendum  esse  duxerunt.  Forte  etiam  hoc  exprimitur  ad  coarguendam  segnitiem  populi:  qua  factum  est,  ut  Ioseph  cum  Abraham  non  sepeliretur:  quod  illic  adhuc  dominabantur  hostes.  Stephanus  recenset  ossa  duodecim  patriacharum  (Act.  7,  16),  et  fieri  potest  ut  aliae  tribus  aemulatione  adductae  cineres  patrum  suorum  collegerint.  Quod  autem  agrum  dicit  emptum  fuisse  ab  Abraham,  in  nomine  mendum  obrepsit.  Quoad  sepulturam,  in  genere  tenendum  est  toties  occurrere  eius  mentionem-  in  scriptura,  quia  symbolum  fuit  resurrectionis  futurae.