9:57  57  CONTRA  WESTPHALUM.  58  tamen  credatur  numero  inferior,  in  suam  factionem  trahere  non  dubitat,  qui  in  Gallia  et  Italia  puram  evangelii  doctrinam  amplexi  solo  metu  a  libera  professione  retinentur.  Hic  vero,  etiam  si  velim,  fas  non  est  tacere,  ne  perfida  dissimulatione  confessionem  a  sanctis  Christi  martyribus  proditam  obruere  volens  ac  sciens  videar.  Quando  tam  stupidus  es,  Westphale,  ut  [pag.  23]  pro  nihilo  ducas  sacrum  illum  sanguinem,  quo  obsignata  fidei  nostrae  veritas  fuit,  scito  quum  ab  annis  quindecim  centum  vel  etiam  plures  in  Gallia  non  minus  alacriter  ad  mortem  imprimis  terrificam  se  obtulerint,  quam  tu  superbe  in  otio  tuo  tripudias,  ne  unum  quidem  fuisse,  qui  nobis  non  subscripserit.  Nunc  pluris  sutorium  tuum  atramentum,x)  quam  illorum  sanguinem  aestima.  Ante  biennium  uno  die  Lugduni  quinque  exusti  fuerunt:  ac  ne  quid  ad  cruciatus  saevitiam  deesset,  lento  igne  ustulati.  Sequuti  sunt  paulo  post  in  eadem  urbe  alii  tres,  in  vicinis  oppidis  duo.  Nondum  praeteriit  quartus  mensis,  ex  quo  Cameraci2)  (quae  urbs  non  nisi  unius  diei  itinere  hinc  distat)  quinque  etiam  uno  die  simul  cremati  sunt.  Quam  dextre  se  in  disputationibus  gesserint,  testantur  acta  eorum  manibus  scripta,  quae  publicis  aequare  non  dubito.  Quisquis  certe  leget,  non  modo  fatebitur  moderate  et  prudenter  de  praecipuis  fidei  capitibus  disseruisse,  sed  eruditionem  quoque  mirabitur  :  ne  tu  forte  vel  inscitia,  vel  inconsiderato  zeli  fervore  abreptos  [pag.  24]  fuisse  dicas*.  Tam  intrepida  vero  ad  ultimos  usque  spiritus  constantia  in  sereno  vultu  enituit,  quae  miseros  etiam  papistas  percelleret.  Eorum  confessio,  quid  passim  sub  tyrannide  Antichristi  sentiant  pii  omnes,  prodidit.  Quare  ne  posthac  eos  tibi  suffragatores  esse  garrias,  qui  uno  omnes  consensu  a  tua  doctrina  abhorrent,  ac  tacitis  votis  tuam  sodaliumque  intemperiem  exsecrantur.  Ultra  me  progredi  cogit  hominis  importunitas.  Coelum  et  terram  testor  de  re  probe  comperta  me  loqui,  si  crudeliter  hactenus  saevitum  fuit  in  plurimos  Christi  martyres,  ignem,  quo  consumpti  sunt,  maxime  eorum  vocibus  tanquam  flabellis  fuisse  accensum,  quibus  in  sacramentarios  vociferari  summa  pietas  fuit.  Porro  quia  Westphalo  negotium  cum  homine  Gallo  erat,  unum  ex  meis  popularibus  produxit  cuius  odio  me  gravaret.  Berengarii  haeresim  rursus  a  nobis  excitatam  esse  dicit.  Si  tibi  ille  est  haereticus,  cur  non  protinus  sublato  vexillo  in  papae  castra  concedis?  Nec  vero  magnopere  curandum  est  quo  in  loco  desideas,  quum  te  in  Antichristi  cohortem  insinues.  Berengarium  cogunt  ad  palinodiam  [pag.  25]  centum  quatuordecim  cornuti  episcopi,  praeside  Ni-  1)  ta  pauvre  ame.  2)  Chambery.