8:57  57  DE  SCANDALIS.  58  Praesertim  infelix  illa  de  sacramentis  contentio,  dici  vix  potest,  quam  multorum  animos  turbarit.  Quam  singulare  hoc  fuerit  Satanae  artificium,  ad  iniiciendam  timidis  conscientiis  remoram,  ipse  meo  malo  sum  expertus.  Verum,  ut  me  propria  magis  culpa  impeditum  fuisse  postea  sensi,  quam  iusta  causa  retentum:  ita  de  omnibus  idem  pronunciare  non  vereor.  In  eiusmodi  quidem  dissidiis  esse  fateor,  quod  iam  aliquantum  confirmatos,  nedum  rudes  et  novitios  percellat:  sed  colligendos  esse  animos  dico,  ut  ad  eum  nihilominus  venire  pergant,  qui  nunquam  frustra  quaeritur.  Neque  enim  silendi  causa  promisit,  apertum  iri,  si  pulsemus:  [pag.  72]  datum  iri,  si  petamus  (Matth.  7,  8).  Qui  se  dissensionum,  quas  in  parte  nostra  viderunt,  odio  in  papatus  doctrina  retineri  iactant,  iis  nullus  est  excusationis  color.  De  re  plus  quam  nota  loquor.  Nullum  est  religionis  caput,  de  quo  non  illic  theologastri  quotidie  certent.  Ut  contrariae  sint  opiniones,  quam  odiose  alii  alios  nunc  perstringant,  nunc  exagitent,  testes  sunt  eorum  libri.  Imo  diversas  sectas  profiteri,  sibi  gloriosum  esse  ducunt.  Ergo  bonos  istos  viros  innumerae  papistarum  rixae  et  pugnae  nihil  offendunt;  unica  inter  nos  dissensio  sic  eos  vulnerat,  ut  ab  universa  doctrina  protinus  abhorreant.  Una  quidem  in  re  nimium  concordes  sunt  papistae,  quod  certatim  omnes  adversus  evangelium  blaterant,  quod  impias  suas  superstitiones  non  minus  clamose  quam  pervicaciter  tuentur.  Verum  ad  se  reversi  nihil  quam  rauca  confusaque  garrulitate  sibi  invicem  obstrepunt.l)  Scio  equidem  tam  perditae  frontis  esse  monachos  et  eiusdem  farinae  blaterones,  ut  plebeculam  hoc  maxime  nomine  a  capiendo  evangelii  gustu  deterreant,  quia  inter  nos  non  bene  conveniat.  Quasi  vero  intestinis  eorum  certaminibus  non  resonent  scholarum  parietes.  Quasi  non  omnes  eorum  libri,  ut  dictum  est,  pugnantibus  sententiis  referti  sint.  Eos  tamen,  quibus  deplorata  improbitas  summa  est  virtus,  ita  petulanter  agere  non  miror.  Verum  qui  fit  ut  oculati  homines  quibus  nihil  eorum  quae  dico  ignotum  est,  eiusmodi  se  argumento  moveri  simulent?  Annon  hoc  est  lucem  ex  professo  fugere?  Et  in  eo  suam  sapientiam  venditant,  quod  se  non  implicent  periculosis  dissidiis:  alios  vero  qui  salutis  viam  nihilominus  audent  inquirere,  quasi  parum  cautos  derident.  Ego  vero,  quia  melius  non  video  remedium,  quam  ut  contemptu  eorum  superbia  corrigatur,  ad  simpliciores2)  me  converto,  qui  sibi  ruditatis  suae  [pag.  73]  conscii  ab  inquirendae  veritatis  studio  abstinere  malunt,  quam  errandi  periculum  subire.  Quum  hinc  Lutherus,  inde  (^colampadius  et  Zvinglius  restituendo  Christi  regno  strenuam  operam  navarent,  infelix  1)  Add.  comme  en  un  marez  plein  de  grenouilles.  2)  simplices  1551  seqq.