7:57  57  CONTRE  LES  ANABAPTISTES.  distribuer  a  ceux  qui  le  demandent  par  euxmesmes,  non  pas  aux  petis  enfans:  comme  on  a  faict  au  Royaume  du  Pape,  Refutation.l)  Voyla  leur  dire.  Mais  ie  respons  premierement,  que  ce  n'est  pas  une  facon  introduite  de  nouveau,  ne  qui  ait  prins  son  commencement  en  la  papaute.  Car  ie  dy  que  ce  a  este  une  saincte  ordonnance  tousiours  gardee  en  l'Eglise  Chrestienne.  Qu'ainsi  soit,  il  n'y  a  docteur  bi  ancien,  qui  ne  confesse  que  tousiours  on  en  a  use  des  le  temps  des  Apostres.2)  I'ay  voulu  toucher  ce  poinct  en  passant,  non  pour  autre  cause,  que  pour  adviser  les  simples,  que  c'est  une  calumnie  impudente  a  ces  phantastiques  de  faire  a  croire  que  ceste  observation  si  ancienne  est  une  superstition  nouvellement  forgee,  et  de  feindre  qu'elle  soit  venue  du  Pape:  comme  ainsi  soit  que  toute  -l'Eglise  l'ait  tenue  devant  que  iamais  on  sceut  que  c'estoit  de  papaute,  ne  qu'on  en  eut  ouy  parler.  Au  reste,  [page  17]  ie  ne  demande  pas  que  l'anciennete  nous  profite  en  rien  pour  l'approuver,  sinon  qu'elle  se  trouve  fondee  en  la  parolle  de  Dieu.  Ie  say  que  comme  la  coustume  des  hommes  ne  donne  pas  authorite  au  Sacrement:  aussi  pour  en  bien  user,  qu'il  ne  se  faut  pas  regler  selon  icelle.  Venons  donc  a  la  vraye  regle  de  Dieu,  que  nous  avons  dict:  assavoir,  a  la  parolle,  laquelle  seule  doit  avoir  icy  Heu.  Leur  intention  est,  qu'on  ne  doit  communiquer  ie  Baptesme,  sinon  k  celuy  qui  le  requiert,  faisant  profession  de  foy  et  repentance.  Et  pourtant  que  le  Baptesme  des  petis  enfans  est  controuve  des  hommes,  contre  la  parolle  de  Dieu.  Pour  prouver  cela,  ilz  alleguent  ce  passage  du  dernier  de  sainct  Matthieu  (28,  19),  ou  Iesus  Christ  dit  a  ses  Apostres:  Allez,  et  enseignez  toutes  gens,  les  baptisans,  au  nom  du  Pere,  et  du  Filz,  et  du  sainct  Esprit:  auquel  ilz  adioustent  ceste  sentence  du  seziesme  de  sainct  Marc  (v.  16):  Qui  croira,  et  sera  baptise,  sera  sauve.  Voila,  ce  leur  semble,  un  fondement  invincible.  Pour  response,  ie  dy  qu'il  n'est  parle  du  Baptesme  en  ces  passages  que  incidemment.  Car  il  y  est  mis  comme  un  accessoire  de  la  predication  de  l'Evangile.  Nostre  Seigneur  Iesus  envoye  ses  Apostres  pour  prescher  et  instruire  le  monde:3)  puis  il  [page  18]  adiouste  le  Baptesme,  pour  une  confirmation  de  leur  doctrine.  Or  faut  il  noter,  que  par  ce  moyen  la  doctrine  doit  preceder  1)  Cette  rubrique:  Refutation,  ne  se  trouve  pas  dans  les  editions  de  1544=  et  1545.  2)  Apostolos  ita  semper  usos  esse.  3)  Le  traducteur  ajoute,  in  doctrina  dei.