58:57  57  DE  IACOB  ET  ESAU.  58  Seigneur  tu  ne  delaisseras  point  l'oeuvre  de  ta  main  au  milieu.  Ainsi  donc,  il  nous  faut  bien  retenir  ceste  doctrine,  Que  l'un  sera  le  plus  fort:  car  nostre  Foy  demeurera  victorieuse  par  dessus  tout  le  monde.  Et  comment?  Il  nous  faut  (di-ie)  avoir  tout  nostre  fondement  sur  l'election  de  Dieu:  que  nous  y  soions  tellement  appuyez,  que  nous  sachions  que  nostre  Seigneur  nous  estant  Pere,  ne  permettra  pas  que  nous  perissions,  puisque  nous  sommes  ses  enfans.  Or  quant  et  quant  Moise  adiouste,  Que  le  plus  grand  servira  au  plus  petit.  En  ceci  nous  avons  encore  une  confirmation  plus  ample  de  ce  que  ie  vien  de  toucher:  C'est,  que  nous  devons  estre  tellement  asseurez  de  nostre  salut,  que  nous  n'en  doutions  nullement,  encore  que  nous  soions  debiles,  et  que  le  monde  nous  mesprise,  que  nous  n'aions  pas  grande  apparence  de  vertu.  Et  pourquoy?  Dieu  veut  que  nous  soions  moindres  pour  un  temps  :  c'est  a  dire,  que  nous  soions  petits  et  contemptibles,  afin  que  sa  gloire  soit  tant  plus  estimee  et  cogneue.  Car  si  nous  avions  grandeur  et  hautesse  en  nous,  et  dignite,  il  est  cerrain  que  ce  seroient  autant  de  voiles  pour  obscurcir  la  pure  et  gratuite  bonte  de  Dieu:  mais,  quand  nous  sommes  debiles  en  nous,  voila  enquoy  on  cognoist  que  c'est  lui  qui  fait  le  tout:  et  qu'il  faut  que  sa  main  soit  tellement  elevee,  que  nous  n'y  venions  rien  embrouiller  parmi,  que  nous  ne  crachions  point  la  nos  nuees,  pour  empescher  que  la  louange  de  nostre  salut  ne  lui  soit  attribuee  entierement.  Voila  donc  ce  que  nous  avons  ici  a  retenir:  c'est,  d'un  coste,  combien  que  nous  soions  fragiles,  que  nous  ne  laissions  pas  de  marcher  franchement  sachant  que  nostre  force  gist  en  Dieu:  et  quand  il  ne  la  monstre  pas  du  tout,  c'est  afin  que  nostre  foiblesse  nous  soit  occasion  de  nous  humilier.  Voila  pour  un  item.  Et  de-fait,  nous  serions  froids  a  l'invoquer,  et  mesme  nonchalans  du  tout,  si  nous  ne  cognoissions  nostre  necessite:  mais  quand  nous  voions  que  nous  ne  pouvons  rien,  alors  il  faut  avoir  nostre  refuge  a  celui  qui  peut  suppleer  a  tous  nos  defaus:  et  puis  nous  lui  rendons  le  sacrifice  de  louange  qui  lui  est  deu,  apres  que  nous  avons  este  exaucez  de  lui.  Cependant  aussi  nous  avons  a  noter  que  du  premier  coup  Dieu  ne  monstre  pas  a  veue  d'oeil  nostre  salut  :  mais  il  faut  qu'il  soit  cache  en  apparence,  et  que  cependant  nous  soions  comme  reiettez,  et  que  les  meschans  nous  foulent  aux  piedz,  et  qu'ils  soient  en  degre,  sans  comparaison,  plus  haut  que  nous.  Toutefois  qu'il  nous  suffise  que  nous  sommes  un  thresor  precieux  devant  Dieu.  Voila  pourquoy  aussi  nostre  Seigneur  Iesus  Christ  dit,  Petit  troupeau,  que  tu  te  resiouisses,  et  que  tu  ne  sois  point  comme  un  troupeau  confus  et  desconfit.  Et  pourquoy?  Car  le  Pere  a  prins  son  bon  plaisir  en  toy.  Voila  donc  ou  il  nous  faut  avoir  toute  nostre  resiouissance  :  voila  dequoy  il  nous  faut