54:57  57  SUR  LA  SECONDE  A  TIMOTHEE.  que  sainct  Paul  a  mise  en  ce  passage,  laquelle  aussi  se  trouve  par  toute  l'Escriture  saincte.  Or  maintenant  pour  faire  une  briefve  conclusion,  avisons  quelle  procedure  il  nous  faut  ici  tenir.  Quand  nous  enquerons  de  nostre  salut,  il  ne  faut  point  que  nous  commencions  par  ce  bout,  pour  dire,  Sommes-  nous  eleus  ou  non?  Nenni:  car  iamais  nous  ne  pourrons  monter  si  haut,  et  nous  serions  confus  cent  mille  fois  et  esblouis  en  nos  sens,  devant  que  pouvoir  approcher  du  conseil  estroit  de  Dieu.  Comment  donc  y  faut-il  aller?  Que  nous  escoutions  ce  qui  nous  est  dit  en  l'Evangile  :  et  quand  Dieu  nous  a  fait  la  grace  de  recevoir  la  promesse  qu'il  nous  offre,  scachons  que  c'est  autant  comme  s'il  nous  avoit  desploye  son  coeur,  et  qu'il  eust  enregistre  en  nos  consciences  nostre  election.  Voila  donc  comme  il  nous  faut  estre  certifiez,  que  Dieu  nous  a  adoptez  pour  ses  enfans,  et  que  l'heritage  du  royaume  des  cieux  nous  est  infallible,  d'autant  (di-ie)  que  nous  sommes  appelez  en  Iesus  Christ.  Comment  pourrons  -  nous  cognoistre  cela?  Comment  serons-nous  arrestez  a  la  doctrine  que  Dieu  nous  met  devant  les  yeux?  Il  faut  quant  et  quant  pour  bien  magnifier  la  grace  de  Dieu,  cognoistre  que  nous  n'y  pouvons  rien  apporter  de  nostre  coste,  et  que  nous  devons  estre  du  tout  aneantis,  afin  de  ne  point  usurper  une  seule  goutte  de  louange  a  nous,  que  nous  cognoissions  que  Dieu  nous  a  appelez  maintenant  a  l'Evangile,  selon  qu'il  nous  avoit  eleus  devant  la  creation  du  monde.  Or  il  est  vray  que  ce  sont  letres  closes  que  ceste  election  de  Dieu,  voire  a  nous,  d'autant  qu'elle  consiste  en  soy  et  en  sa  nature:  mais  nous  y  pouvons  lire,  pource  que  Dieu  nous  en  rend  tesmoignage  quand  il  nous  appelle  a  soy  par  la  cognoissance  de  l'Evangile,  et  par  la  foy:  alors  nous  en  avons  comme  un  double.  Car  tout  ainsi  que  l'original,  ou  le  prothocole  ne  derogue,  point  a  la  letre,  ou  a  l'instrument  qui  sera  leve,  mais  plustost  c'en  est  une  approbation,  et  mesmes  on  ne  s'en  ira  point  enquerir  du  prothocole  quand  on  aura  l'instrument  authentique:  ainsi  faut-il  que  nous  soyons  asseurez  de  nostre  election.  Car  quand  Dieu  nous  certifie  par  l'Evangile  qu'il  nous  tient  pour  ses  enfans,  voila  des  letres  assez  authentiques  qui  sont  signees  du  sang  de  nostre  Seigneur  Iesus  Christ,  et  seellees  par  son  sainct  Esprit.  Quand  nous  avons  cela,  n'avons-nous  point  de  quoy  nous  contenter?  Or  maintenant  (comme  i'ay  dit)  tant  s'en  faut  que  l'election  de  Dieu  contreviene  a  cela,  qu'elle  ratifie  beaucoup  mieux  le  tesmoignage  que  nous  avons  en  l'Evangile.  Non  point  qu'il  nous  faille  aller  feuilleter  le  prothocole  et  le  registre  de  Dieu,  comme  s'il  y  avoit  quelque  doute,  nous  avons  l'instrument  qui  est  infallible:  que  voulons-nous  plus?  Ne  sera-ce  point  une  temerite  et  arrogance  de  dire