51:57  57  SUR  L'EPITRE  AUX  GALATES.  58  charite  s'esiouira  du  bien  d'autrui.  Quand  nous  voyons  que  Dieu  eslargit  de  ses  graces  a  nos  prochains,  n'avons  nous  point  de  quoy  nous  esiouir?  Car  si  nous  prions  sans  feintise  pour  tous  ceux  qui  en  ont  besoin  :  si  nous  voyons  que  Dieu  leur  donne  a  vivre  a  leur  commodite  et  a  leur  aise:  si  nous  en  sommes  fasehez,  nous  declarons  par  cela  qu'il  n'y  a  eu  qu'hypocrisie  et  fiction  en  nos  prieres.  Si  Dieu  aussi  distribue  des  graces  de  son  sainct  Esprit  a  quelques  uns,  c'est  pour  le  bien  commun  et  edification  de  son  Eglise.  Ainsi  donc  en  tout  et  par  tout  il  y  aura  de  quoy  nous  esiouir,  quand  nous  serons  vrayement  reiglez  selon  la  volonte  de  Dieu:  nous  aimerons  quant  et  quant  le  profit  et  avancement  de  nos  prochains.  Au  contraire  quand  chacun  sera  addonne  a  soy,  et  que  nous  serons  poussez  de  ceste  maudite  ambition  et  fierte,  iamais  nous  ne  pourrons  regarder  que  de  travers  l'avantage  et  le  profit  de  nos  prochains.  Il  y  aura  tousiours  du  regret  et  de  la  malice  quand  Dieu  se  monstrera  ainsi  liberal  envers  ceux  que  nous  voudrions  tenir  au  dessous  de  nos  pieds.  Voila  en  somme  ce  que  nous  avons  a  retenir  de  ce  passage:  c'est  a  scavoir  que  nous  apprenions  que  c'est  d'estre  a  nostre  Seigneur  Iesus  Christ,  a  fin  que  nous  ne  pretendions  point  son  nom  en  vain,  et  que  nous  ne  soyons  point  redarguez  de  faussete  et  de  mensonge  devant  Dieu  et  devant  ses  Anges,  apres  nous  estre  ainsi  follement  glorifiez  devant  les  hommes.  Car  pour  estre  a  nostre  Seigneur  Iesus,  il  faut  que  nous  mortifions  nos  appetis  et  nos  passions,  scachans  que  nous  sommes  du  tout  desbordez  a  mal,  et  que  nostre  nature  y  encline.  Il  nous  faut  donc  changer.  Or  il  est  vray  que  cela  ne  se  peut  faire  par  nostre  vertu:  mais  aussi  le  Fils  de  Dieu  est  prest  et  appareille  de  nous  secourir.  Qui  donc  empesche  que  nous  ne  soyons  participans  des  dons  de  l'Esprit  de  Dieu  pour  approuver  par  nostre  vie  que  nous  avons  droite  foy  en  luy  ?  C'est  que  chacun  se  flatte  en  ses  pouretez.  Apprenons  donc  de  gemir,  voyans  qu'il  n'y  a  que  corruption  en  nous  et  rendons  nous  a  nostre  Seigneur  Iesus,  a  fin  que  par  la  vertu  de  sa  mort  et  passion  il  amortisse  en  nous  toutes  cupiditez  mauvaises,  tous  appetis  desbordez.  Et  la,  dessus  que  nous  cognoissions  la  grace  que  Dieu  nous  fait  quand  il  veut  que  nous  le  servions  en  franchise,  que  nous  ne  soyons  plus  sous  le  ioug  de  la  Loy  pour  nous  presser  iusques  au  bout:  car  cela  nous  seroit  un  fardeau  insupportable  :  mais  qu'estans  gouvernez  par  son  sainct  Esprit  nous  cognoissions  qu'il  approuve  nostre  vie,  et  qu'il  recoit  nostre  service  quand  il  est  ainsi  conforme  a,  la  parole  de  Dieu,  encores  qu'il  n'y  ait  point  un  zele  si  grand  ne  si  entier  comme  il  seroit  requis.  Que  nous  cognoissions  cela  :  et  cependant  que  nous  cheminions