49:57  57  CAPUT  III.  58  Talis  quoque  fuit  disputationis  status  quae  habita  est  Hierosolymis  inter  discipulos.  Nos  vero  non  sine  ratione  Paulum  hic  loqui  de  tota  lege  contendimus.  Nam  et  nobis  abunde  suffragatur  filum  disputationis,  quod  sequutus  est  hactenus  et  deinceps  sequitur:  et  loci  permulti  aliter  nos  sentire  non  patiuntur.  Est  igitur  sententia  inter  primas  memorabilis,  quod  ex  legis  observatione  nemo  iustitiam  consequetur.  Rationem  ante  assignavit  et  mox  iterum  repetet:  quia  omnes  ad  unum  transgressionis  convicti  iniustitiae  per  legem  arguuntur.  Pugnant  autem  haec  duo  inter  se  (ut  fusius  videbimus  in  progressu)  iustum  operibus  censeri,  et  transgressionis  reum  esse.  Caro,  sine  aliqua  speciali  notatione,  homines  significat:  nisi  quod  generalius  quodammodo  significatum  videtur  prae  se  ferre.  Qualiter  plus  exprimitur,  quum  quis  dicit  omnes  mortales,  quam  si  omnes  homines  nominet,  ut  habes  apud  Gellium.  Per  legem  enim.  A  contrario  ratiocinatur,  non  afferri  nobis  iustitiam  a  lege,  quia  convincit  nos  peccati  et  damnationis:  quando  ex  eadem  scatebra  non  prodeunt  vita  et  mors.  Quod  autem  ex  contrario  legis  effectu  ratiocinatur,  non  posse  ab  ea  nobis  conferri  iustitiam:  sciendum  est1),  aliter  non  procedere  argumentum,  nisi  tenemus  hoc  inseparabile  esse  ac  perpetuum  'accidens,  ut,  suum  homini  peccatum  demonstrans,  spem  salutis  praecidat.  Per  se  quidem,  quia  ad  iustitiam2)  instituit,  via  est  ad  salutem:  sed  obstat  nostra  pravitas  et  corruptio,  ne  quid  hac  parte  proficiat.  Iam  hoc  secundo  addere  necesse  est,  quisquis  deprehensus  fuerit  peccator,  eum  iustitia  spoliari.  Nam  cum  Sophistis  dimidiam  iustitiam  fingere,  ut  opera  ex  parte  iustificent,  frivolum  est:  sed  nihil  hac  parte  proficit  ob  hominis  vitiositatem.  21.  Nunc  autem  sine  lege  iustitia  Dei  manifestata  est,  testimonio  comprobata  legis  et  prophetarum.  22.  Iustitia,  inquam,  Dei  per  fidem  Iesu  Christi,  in  omnes  et  super  omnes  credentes.  21.  Nunc  autem  sine  lege  iustitia  Dei.  Dubium  est,  qua  ratione  Dei  iustitiam  appellet,  quam  per  fidem  obtinemus:  ideone  quia  sola  coram  Deo  consistit:  an  quod  eam  nobis  Dorninus  sua  misericordia  largiatur.  Quoniam  utraque  interpretatio  bene  quadrabit:  neutra  ex  parte  contendimus.  Hanc  ergo  quam  et  homini  Deus  communicat,  et  solam  amplectitur3)  et  pro  iustitia  agnoscit,  dicit  revelatam  citra  legem  esse,  id  est,  sine  legis  adminiculo:  ut  lex  pro  operibus  accepta  intelligatur.  Neque  enim  !)  Neque  vero  .  .  .  procedet  .  .  .  .  intelligas  hunc  esse  unicum  legis  effectum  .  .  .  .  demonstret.  2)  ac  vitam  3)  iustitiam  Calvini  opera.  Vol.  XLIX.