42:57  57  SUR  LE  XL  CHAP.  DE  DANIEL.  58  iours  une  telle  multitude,  qu'il  est  quasi  incroiable,  qu'il  y  ha  eu  quasi  vingt  mille  personnes  mis  a  mort.  Nous  n'avons  point  donc  encores  veu  cela,  et  d'autres  actes,  et  des  morts  si  cruelles  que  nous  voions  en  ces  histoires  des  Machabees,  que  les  petis  enfans  n'ont  point  este  espargnes,  qu'on  ha  fait  des  meurtres  les  plus  execrables,  qu'il  est  possible  d'imaginer,  et  les  peres  qui  ont  soustenu  de  tels  combats  en  sont  venus  a  bout  neantmoins,  qu'alleguerons  nous  devant  Dieu,  quand  pour  une  petite  tentation  nous  aions  renoncer  a  la  verite  de  Dieu,  serons  nous  supportables  en  quelque  facon  que  ce  soit?  Ainsi  donc  pensons  diligemment  a  nous,  et  connoissons  que  si  auiourd'huy  Sathan  tasche  de  nous  rompre  le  courage,  et  de  nous  mettre  comme  en  desespoir,  pour  nous  divertir  de  la  voie  de  salut,  que  les  peres  anciens  ont  eu  des  assauts  ainsi  fascheux  a  soustenir  et  plus  beaucoup  cent  mille  fois,  et  toutesfois  ils  ont  persevere,  que  faut  il  donc  sinon  en  connoissant  qu'il  y  ha  une  telle  infirmite  en  nous,  nous  prions  Dieu  qu'il  luy  plaise  nous  fortifier  par  la  vertu  de  son  sainct  Esprit,  nous  voions  comme  il  ha  besongne  en  ceux,  par  lesquels  il  veut  que  son  nom  soit  glorifie,  que  les  feux  ne  les  tourmentent  point,  ne  tous  les  autres  tourments  qu'on  leur  peut  presenter?  Il  est  vray  que  ceux  la  sont  en  petit  nombre,  mais  sa  main  sera  aussi  puissante  sur  nous  quand  nous  ne  demanderons  sinon  a  soustenir  son  honneur,  et  a  maintenir  sa  verite.  Quand  donc  nous  y  procederons  en  telle  sorte,  pensons  nous  que  Dieu  nous  deffaille,  et  au  reste  il  nous  faut  bien  noter  ce  que  l'ange  dit  ici,  Que  ce  sera  par  flateries,  que  ceux  ici  seront  ainsi  allienes  du  droit  chemin,  mais  on  pourroit  alleguer  comment  cela  s'est  fait  par  flatteries,  que  les  edits  ont  este  si  cruels  et  si  enormes,  que  sur  peine  de  la  vie  nul  ne  retienne  un  livre  de  la  loy,  mais  qu'on  apportast  toutes  les  coppies  qu'on  en  avoit,  pour  les  mettre  au  feu,  qu'il  n'y  eust  point  un  fueillet  qui  fust  garde,  pour  scavoir  quelle  est  la  religion,  et  ce  que  Dieu  avoit  ordonne  par  Moyse,  que  cela  fust  aboli  de  la  memoire  des  hommes,  que  ce  que  les  prophetes  avoient  laisse  fust  aussi  bien  aneanti,  que  tout  cela  fust  brusle,  que  tout  le  monde  se  prophanast  aux  abominations  des  paiens,  qu'on  n'observast  plus  toutes  les  ceremonies  qui  estoient  commandees  en  la  loy.  Il  n'estoit  donc  question  alors  que  de  la  vie,  si  on  eust  transgresse  ces  edits,  et  pourquoy  donc  est-ce  que  l'ange  parle  ici  de  flateries?  Or  il  nous  faut  noter  que  nonobstant  la  cruaute  d'Antioche,  il  y  avoit  de  la  flaterie  envers  ceux  qui  se  vouloient  desdire  et  renoncer  Dieu,  comme  auiourd'huy  nous  voions  les  ennemis  de  la  foy,  qui  escumeront  comme  des  furies  d'enfer,  mais  encores  quand  ils  pourront  attraper  quelques  pauvres  simples  gens,  qui  seront  infirmes,  quand  ils  les  vou-