41:57  57  IN  DANIELEM.  CAP.  VII.  58  ad  regis  latera,  ut  quidquam  diminuant  ex  eius  maiestate,  vel  ad  se  trahant:  sed  potius  ut  melius  refulgeat  ipsius  regis  magnitudo  et  potestas.  Haec  igitur  ratio  est,  cur  angelos  propheta  Deo  adiungat,  non  tanquam  socios,  sed  qui  tamen  sint  veluti  eius  consiliarii.  Quod  ad  libros  apertos  spectat,  refero  ad  evangelii  promulgationem.  Tametsi  enim  Deus  cognitus  fuerat  in  Iudaea,  sicuti  dicitur  in  Psalmo  (76,  2):  cognitio  tamen  ipsa  perquam  exigua  erat,  deinde  implicita  multis  figuris.  Aenigmatice  ergo  cognitus  fuit  Deus  usque  ad  Christi  adventum:  tunc  vero  sese  manifestavit,  ac  si  libros  aperiret  qui  ante  clausi  fuerant.  Est  igitur  hic  antithesis  notanda  inter  obscurum  illud  tempus,  quod  praecessit  adventum  Christi,  et  inter  claritatem  quae  nunc  refulget  sub  evangelio.  Quia  ergo  Deus  plane  innotuit  postquam  illuxit  sol  iustitiae,  sicuti  dicitur  apud  Malachiam  (3,  20),  haec  ratio  est  cur  dicantur  nunc  libri  fuisse  aperti  illo  tempore.  Interea  fatemur  Deum  non  prorsus  latuisse,  neque  etiam  fuisse  loquutum  in  abscondito:  sed  comparative  hoc  dicitur  a  propheta,  quod  libri  fuerint  aperti,  ex  quo  Deus  palam  apparuit  mundi  iudex,  pater,  servator  in  persona  filii  sui  unigeniti.  Postea  sequitur,  l  l  .  Videbam  tunc,  propter  vocem  (id  est,  spectabam  in  illa  visione  adhuc:  significat  mentis  attentionem,  neque  eam  humano  modo,  sed  sicuti  raptus  fuerat  prophetico  spiritu  in  sublime,  ita  dicit  sensus  suos  fuisse  defixos  in  visione  illa:  propter  vocem  ergo,  vel  a  voce)  sermonum  grandium,  quos  cornu  proferebat  videbam  usque  dum  occisa  fuit  bestia,  et  abolitum  corpus  eius,  et  data  fuit  incendio  ignis.  Quoniam  terrebat  prophetam  magniloquentia  parvi  cornu,  ideo  dicit  se  fuisse  attentum  in  hac  parte  consideranda.  Dicit  tandem  bestiam  fuisse  occisam,  et  corpus  eius  fuisse  consumptum  incendio  ignis.  Hoc  certe  ad  finem  romani  imperii  referri  debet.  Nam  ex  quo  dominati  sunt  illis  exteri,  iam  desiit  vigere  bestia  illa  quarta.  Semper  quidem  retentum  fuit  nomen,  sed  cum  magno  ludibrio  illius  vetustae  monarchiae.  Taceo  nunc  de  Caligula,  de  Nerone,  Domitiano,  et  similibus  monstris.  Sed  quum  Hispani  et  Aphri  ad  se  traxerunt  imperium,  an  dicemus  Romam  tunc  fuisse  mundi  dominam?  Hoc  certe  nimis  stultum  esset.  Hodie  quoque  Germani  dicunt  se  potiri  romano  imperio:  sed  quum  titulus  imperii  transierit  ad  Germanos,  certum  est  Romam  hodie  servire.  Nam  quod  papa  erexit  illic  suum  solium,  hoc  imperium  indignum  est  nomine  monarchiae.  Quidquid  sit,  iam  a  mille  et  fere  quingentis  annis  Romani  fuerunt  addicti  veluti  mancipia  principibus  exteris.  Nam  post  mortem  Nervae  Traianus  successit,  ab  eo  tempore  nullus  fere  Romanus  potitus  est  imperio.  Et  Dens  inussit  tur-