39:57  57  IN  IEREMIAM.  CAP.  XXXIII.  58  fugere  ad  spem  veniae,  quando  videmus  eam  offerri  omnibus  promiscue,  etiam  qui  plus  quam  scelerati  sunt  coram  Deo,  nec  peccarunt  modo,  sed  fuerunt  quasi  apostatae,  ita  ut  non  cessaverint  modis  omnibus  in  se  provocare  vindictam  Dei.  Sequitur,  9.  Et  erit  mihi  in  nomen,  laetitiam  (alii  in  constructione  vertunt,  in  nomen  laetitiae),  in  laudem  et  in  decorem  (vel  gloriam)  apud  omnes  gentes  terrae,  quae  audient  omnem  beneficentiam,  quam  ego  exercuero  erga  ipsos  (quam  ego  facio  ipsis,  ad  verbum),  et  pavebunt,  et  contremiscent  super  omni  beneficentia,  et  super  omni  pace,  quam  ego  facio  illi  (mutat  numerum:  dixerat  DniK,  nunc  dicit,  n?  ni^J?:  efe  refertur  hoc  pronomen  ad  urbem  ipsam).  Hic  Deus  testatur  talem  fore  suam  gratiam,  ut  laude  digna  sit  per  totum  orbem,  vel  quod  idem  est,  significat  beneficium  fore  memorabile:  et  ideo  dicit  sibi  fore  in  nomen  apud  omnes  gentes.  Quoniam  vero  volebat  extollere  gloriae  suae  magnitudinem,  adiunxit  laudem,  vel  decorem,  vel  gloriam  simul:  sed  emphaticum  est  quod  additur,  apud  omnes  gentes.  Et  hic  locus  nobis  ostendit  prophetam  non  concionari  de  solo  populi  reditu,  neque  hoc  vaticinium  debere  restringi  ad  statum  urbis  qualis  fuit  ante  Christi  adventum:  quia  etsi  celebrata  fuerit  gratia  Dei  apud  Chaldaeos  et  alias  gentes,  tamen  non  fuit  cognita  per  totum  orbem,  quemadmodum  hic  dicit,  apud  omnes  gentes  terrae.  Neque  enim  dubium  est  quin  comprehendat  Deus  omnes  mundi  plagas.  Hinc  itaque  colligimus  gratiam  de  qua  disserit  propheta  spectare  ad  regnum  Christi.  Neque  enim  Deus  tunc  peperit  sibi  nomen  apud  omnes  populos,  sed  tantum  in  parte  illa  orientali,  ut  satis  notum  est.  Quum  ergo  dicit  gratiam  qua  prosequetur  populum  suum  fore  sibi  in  nomen,  non  dubium  est  quin  promittat  liberationem,  quae  tandem  allata  fuit  a  Christo.  Et  eodem  etiam  pertinet  verbum  audiendi,  quia  audient.  Nam  relativum  1U/K  hic  causalis  particulae  vice  ponitur.  Modum  euim  hic  exprimit  prophetae  gloriae  et  laudis  quam  Deus  sibi  acquiret  ex  liberatione  populi  sui,  nempe  quia  audient  gentes,  hoc  autem  factum  est  per  evangelii  promulgationem,  quia  tunc  demum  passim  celebrata  fuit  Dei  bonitas  erga  Iudaeos,  ubi  legis  cognitio  et  doctrinae  propheticae  ad  exteros  pervenit,  qui  prius  nihil  audierant  de  vera  pietatis  doctrina.  Nunc  ergo  tenemus  consilium  spiritus  sancti.  Caeterum,  his  verbis  hortatur  Deus  omnes  ad  gratitudinem.  Nam  quoties  ostenditur  nobis  hic  fons  beneficiorum  Dei,  nisi  prorsus  sumus  socordes,  debemus  stimulari  ad  referendas  ei  gratias.  Ergo  ubi  pronuntiat  Deus  sibi  redemptionem  populi  fore  in  nomen  apud  omnes  populos,  ita  ostendit  piis  non  esse  torpendum,  quin  praedicent  eius  bonitatem.  Et  interea  hoc  ad  con-