35:57  57  IOB  CHAP.  XXXIII.  58  quoy?  C'est  d'autant  que  Iob  a  este  agite  en  sa  tristesse,  et  que  par  fois  il  n'a  point  este  retenu  comme  il  devoit.  Ainsi  donc  notons  que  quand  un  homme  seroit  avance  en  la  crainte  de  Dieu,  et  qu'il  aimeroit  mieux  mourir  que  d'avoir  prononce  un  blaspheme:  si  est-ce  toutes  fois  que  nous  ne  pouvons  pas  lascher  la  bride  a  nos  passions,  qu'incontinent  il  ne  nous  eschappe  quelque  mot  mauvais,  et  a  condamner:  sur  tout  quand  nous  sommes  pressez  de  maux,  la  tristesse  est  une  passion  si  vehemente  qu'il  n'y  a  point  d'attrempance:  voila  un  homme  qui  s'escarmouche  tellement  qu'il  hurte  a  l'encontre  de  Dieu,  et  ce  n'est  qu'a  sa  ruine  finalement.  Quand  nous  voyons  cela,  en  premier  lieu  cognoissons  que  nostre  nature  est  plus  que  vicieuse  et  perverse.  Voila  donc  un  poinct  que  nous  avons  a  noter,  c'est  assavoir  qu'il  faut  bien  que  nous  soyons  corrompus,  que  nous  ne  pouvons  rien  penser  de  Dieu  sans  lui  faire  tort  et  iniure.  Et  au  reste  nous  sommes  aussi  admonnestez  que  nous  entrions  en  une  autre  consideration,  c'est  assavoir  de  nous  tenir  la  suiets  toutes  fois  et  quantes  que  Dieu  nous  ^ffligera,  que  nous  cognoissions,  Helas!  il  est  vrai  que  te  voici  dispose  a  recevoir  l'affliction.  Quand  Dieu  nous  a  fait  la  grace  de  venir  la,  sachons  que  nous  avons  bien  profite  quand  nous  serons  prests  d'obeir  a  cela,  de  recevoir  patiemment  les  coups  de  verges:  mais  si  Dieu  nous  a  amenez  iusques  a  ceste  raison-la,  encores  ne  faut-il  point  que  nous  soyons  desbauchez,  mais  plustost  nous  devons  dire,  Et  bien,  tu  es  desia  oblige  a  ton  Dieu  de  ce  qu'il  t'a  ainsi  bien  prepare  a  recevoir  les  chastimens  qu'il  t'envoye,  mais  cependant  encores  il  y  a  tant  d'infirmitez  en  toi,  qu'il  ne  faudra  que  tourner  la  main  que  tu  seras  incontinent  impatient,  et  feras  du  rebelle  a  l'encontre  de  lui,  et  sans  y  penser  tu  l'auras  incontinent  blaspheme.  Ainsi  donc  apprenons  de  nous  tenir  suspects  en  telle  sorte  que  nous  soyons  sur  nos  gardes  pour  prevenir  les  tentations.  Et  avons-nous  fait  cela?  Cognoissons  encores,  que  nonobstant  le  bon  vouloir  que  nous  ayons  eu  de  nous  ranger  a  Dieu,  et  porter  patiemment  les  afflictions  qui  nous  viennent  de  lui,  si  est-ce  que  nostre  patience  n'est  point  parfaite,  qu'il  y  aura  eu  a  redire:  car  combien  nous  viendra-  il  de  phantasies  mauvaises  au  cerveau?  et  encores  que  nous  n'y  adherions  point,  ou  mesmes  que  nous  les  detestions,  et  que  nous  ayons  tousiours  ce  but  pour  dire,  Voici  mon  Dieu  me  gouvernera,  il  sera  maistre  sur  moi,  et  il  faut  que  i'aye  ceste  modestie  de  m'humilier  sous  lui,  voire  quand  il  me  voudroit  fouler  au  pied,  mesmes  quand  il  me  voudroit  mettre  au  plus  profond  des  abysmes,  si  faut-il  que  ie  me  range  a  lui.  Quand  nous  aurons  cela,  encores  nous  viendra-il  beaucoup  de  mauvaises