33:57  57  IOB  CHAP.  I.  58  Q  U  A  T  R  I  E  M  E  S  E  R  M  O  N  SUR  LE  I.  CHAPITRE.  6.  Advint  un  iour  que  les  fls  de  Bien  vindrent  pour  comparoistre  devant  le  Seigneur,  aussi  Satan  vint  entre  eux.  7.  Et  le  Seigneur  dit  a  Satan,  D'ou  viens-tu?  Satan  respondant  dit  au  Seigneur  j  i)e  circuir,  et  de  chasser  sur  la  terre.  8.  Et  le  Seigneur  dit  a  Satan  :  As-tu  prins  garde  a  mon  serviteur  Ioh,  lequel  n1  a  point  son  pareil  en  terre,  homme  entier  et  droit,  et  craignant  Dieu,  et  se  retirant  du  mal?  etc.  Nous  avons  veu  par  ci  devant  quelle  estoit  la  vie  et  conversation  de  Iob  entre  les  hommes:  maintenant  il  nous  est  declare  comme  Dieu  a  dispose  de  luy,  afin  que  nous  sachions,  que  vivans  ici  bas,  nous  ne  sommes  point  gouvernez  par  fortune,  mais  que  Dieu  a  l'oeil  sur  nous,  et  qu'il  y  a  toute  autorite,  comme  aussi  c'est  bien  raison,  veu  que  nous  sommes  ses  creatures.  Or  nous  verrons  ci  apres,  comme  Dieu  a  voulu  affliger  Iob:  mais  tant  y  a  qu'ici  il  est  principalement  touche  que  Dieu  a  la  conduite  du  monde,  et  que  rien  ne  se  fait,  qui  ne  soit  dispose  par  luy.  Pour  exprimer  cela,  l'escriture  use  d'une  facon  qui  est  convenable  a  nostre  rudesse,  car  nous  sommes  tant  infirmes,  que  nous  ne  comprendrons  iamais  la  maieste  de  Dieu  ainsi  haute  qu'elle  est,  nous  ne  pourrons  point  parvenir  iusques  la.  Il  faut  donc  que  Dieu  descende  pour  estre  comprins  de  nous,  c'est  a  dire,  qu'il  ne  se  monstre  point  selon  sa  gloire,  qui  est  infinie,  mais  selon  qu'il  voit  quel  est  nostre  sens,  qu'il  s'y  accommode.  Brief,  iamais  nous  ne  cognoistrons  Dieu  tel  qu'il  est,  mais  nous  le  cognoistrons  en  telle  mesure  qu'il  lui  plaira  de  se  manifester  a  nous,  c'est  a  dire,  selon  qu'il  cognoist  qu'il  nous  est  utile  pour  nostre  salut.  Or  ceste  facon  de  parler  que  nous  voyons  ici,  quand  il  est  dit,  que  les  Anges  ont  comparu  devant  Dieu  comme  en  un  iour  solennel,  est  prinse  des  Rois  de  ce  monde,  lesquels  tiendrons;  leurs  estats,  et  leurs  assises.  Il  est  certain  (comme  l'Escriture  le  monstre  en  beaucoup  d'autres  passages)  que  les  Anges  sont  tousiours  devant  Dieu,  combien  qu'ils  executent  ses  mandemens,  comme  il  est  dit,  qu'ils  nous  environnent  pour  faire  un  camp,  afin  de  nous  garder,  que  Dieu  leur  a  ordonne  de  nous  conduire,  afin  que  nous  soyons  comme  en  leur  sauve  garde.  Qu'il  est  dit  aussi,  qu'ils  executent  son  ire,  et  sa  vengeance  sur  les  meschans.  Mais  tant  y  a  que  les  Anges  qui  sont  esprits,  ne  sont  point  empeschez  de  servir  a  Dieu,  et  de  lui  obeyr,  d'executer  son  iugement  ici  bas,  encores  qu'ils  soyent  cependant  en  sa  presence  tousiours.  Et  de