32:57  57  PSALMUS  CI.  58  se  acturum,  vel,  quod  idem  valet,  summopere  attentum  fore  praedicat:  quia  rara  virtus  est,  eum  qui  omnia  potest,  ita  esse  temperantem,  ut  nihil  sibi  licentiae  permittat.  Qui  ergo  summo  imperio  praeditus  non  tentat  male  agendo  quid  possit,  sed  se  ipsum  fraenat  sua  modestia,  vera  intelligentia  praeditus  est.  Denique  testatur,  se  aliis  regibus  non  fore  similem  quos  infatuat  sua  dignitas:  sed  pro  magnitudine  oneris  curam  se  adhibiturum  ut  intelligenter  munus  suum  impleat.  Et  notandum  est  quod  prudentiam  in  via  perfecta,  sive  rectitudine  statuit.  Unde  colligimus,  secundum  Deum  minime  sapere  tyrannos  qui  ingenium  suum  ad  pravas  astutias  conferunt,  novas  artes  quotidie  excudunt  onerandis  et  gravandis  subditis:  denique  nonnisi  ad  nocendum  acuti  sunt.  Ut  talis  vafrities  multis  displiceat,  certe  haec  regum  censetur  optima  prudentia,  et  summis  laudibus  extollitur,  si  ad  propagandos  suos  fines  sint  attenti,  et  exquisitis  etiam  artificiis  polleant.  Atqui  non  aliam  sibi  prudentiam  appetit  David  quam  quae  sit  integritatis  magistra.  (Donec  venias.)  Duplex  est  lectio:  quidam  interrogative  vertunt,  Quando  venies?  ac  si  peteret  David  non  se  differri  in  longiorem  moram.  Et  certe  iusta  ei  gemendi  et  expostulandi  fuit  ratio,  quum  tamdiu  se  inopia  premi  et  misere  per  diversa  exsilia  iactari  videret.  Praestabat  enim,  ut  ante  homo  pecuarius  fuerat,  ignobilem  degere  in  tugurio  patris,  quam  in  regem  ungi,  ut  a  patria  eiectus,  in  summo  dedecore  et  odio  ageret.  Ego  tamen  sine  interrogatione  legere  malo,  usquedum,  vel  quando,  quod  tamen  ipsum  paulo  aliter  interpretor  quam  plerique  :  nempe  quod  David,  quamvis  adhuc  maneat  privatus  homo,  necdum  sibi  promisso  iure  regio  fruatur,  sectari  tamen  interea  integritatem  non  differet.  Sensus  ergo  est:  Domine,  quamvis  longius  me  suspensum  teneas,  ego  nihilominus  integritati  studebo.  Ita  medium  domus  suae  palatio  et  publicis  aedibus  opponit  :  ac  si  diceret,  intra  privatos  parietes.  3.  (Non  statuam  coram  oculis,)  Postquam  professus  est  se  in  privata  vita  probitatis  et  iustitiae  cultorem  fore,  sicuti  etiam  bonos  principes  hinc  auspicari  decet:  nunc  addit,  se  in  gerendo  principis  officio  hostem  fore  iniustitiae  et  sceleribus.  Bern  enim  perversam  coram  oculis  ponere  tantundem  valet  ac  sibi  proponere  aliquid  impie  agendum.  Aversum  igitur  ab  omni  scelere  se  fore  pronuntiat:  ut  certe  nemo  iustus  et  aequabilis  erit  iniustitiae  ultor,  nisi  qui  ab  ea  penitus  ex  animo  abhorret.  Unde  sequitur,  non  praestare  officium  reges,  nisi  puri  sint  ab  omni  pravo  consensu.  Quidam  nityjf  simul  contexunt,  subaudientes  literam  7,  ac  si  dixisset,  Non  proponam  mihi  quidquam  impie  agendum,  vel,  Nulla  pravitas  mihi  adlubescet,  ut  eam  exsequar.  Sed  alter  sensus  probabilior  est,  quod  ubi  testatus  est  David  se  nihil  iniquitatis  coram  oculis  suis