31:57  57  PSALMUS  IV.  58  potitus  suo  voto  gratiarum  actionem  subiungat,  in  quam  sententiam  libenter  inclino.  Primum  igitur  refert,  se  ad  Dei  apem  fugisse  in  periculis,  et  salutem  ab  eo  suppliciter  precatum.  Deinde,  ob  eam  allatam  gratias  agit:  quo  testatur  liberationem  se  Deo  acceptam  ferre.  .  9.  (Domino  est  salus.)  Quia  *.)  interdum  pro  |Q  accipitur  apud  Hebraeos,  quidam  non  incommode  vertunt,  a  Domino  est  salus.  Sequutus  tamen  sum  quod  simplicius  erat,  penes  Deum  salutem  constare.  Quibus  verbis  non  modo  servandi  partes  et  laudem  uni  Deo  vendicat,  eius  manum  omnibus  humanis  subsidiis  tacite  opponens:  sed  ut  mille  immineant  mortes,  obstare  tamen  Deo  non  posse  quo  minus  ad  servandum  sufficiat:  imo  in  promptu  exserat  nullo  negotio  quam  semper  apud  se  habet  salutem.  In  fine  Psalmi  affirmat  David  non  tam  sibi  privatim  hoc  fuisse  datum,  quam  toti  populo,  ne  pessum  iret  quae  in  eius  regno  fundata  erat  communis  ecclesiae  salus.  Agnoscit  ergo  David,  ideo  dissipatam  fuisse  impiam  coniurationem,  quia  Deo  cura  erat  ecclesiae  servandae.  Colligimus  tamen  ex  hoc  loco,  ecclesiam  a  malis  omnibus  semper  liberatum  iri:  quia  Deus,  cui  suppetit  servandi  facultas,  ab  ea  gratiam  suam  et  benedictionem  nunquam  subducet.  PSALMUS  IT.  ARG-.  Postquam  Deum  initio  precatus  est  David  ut  sibi  opem  ferat,  statim  sermonem  ad  hostes  convertens,  Dei  promissione  fretus  tanquam  victor  triumphat.  Itaque  suo  exemplo  nos  docet,  quoties  res  adversae  urgent,  vel  extremae  angustiae  premunt,  meditandas  esse  promissiones  Dei,  quibus  spes  salutis  ostenditur  ut  hoo  clypeo  obiecto  omnes  tentationum  motus  perrumpere  liceat.  1.  Praefecto  in  Neginoth  canticum  Davidis.  1.  Quo  tempore  compositus  fuerit  hic  Psalmus  incertum  est,  nisi  quod  ex  contextu  probabilis  coniectura  elicitur,  tunc  profugum  fuisse  et  exsulem.  Ego  itaque  ad  tempus  refero,  quo  eum  persequebatur  Saul.  Et  tamen  si  quis  de  altera  fuga  accipere  malit  ad  quam  eum  compulit  coniuratio  Absalom,  non  valde  contendam.  Sed  quia  paulo  post  uno  verbo  notabit  diuturnum  sibi  fuisse  certamen,  melius  convenit  quod  priore  loco  adduxi.  Scimus  enim  quam  varie  iactatus  fuerit  antequam  emergeret,  ex  quo  infestus  illi  esse  Saul  coepit.  De  vocibus  quas  hic  versus  continet,  hoc  tantum  breviter  attingam:  Quod  PTIIIO  7  nonnulli  vertunt,  In  saeculum,  quasi  ad  ordinariam  cantionem  editus  fuerit  Psalmus,  tanquam  coactum  reiicio.  Rectius  sentiunt  alii  riI3!3  vocari,  qui  prae  aliis  excellit  et