30:57  57  IN  I.  LIB.  SAMUEL.  CAP.  XIV.  58  debent,  ut  non  sit  amplius  illa  revelationum  nova  gratia  requirenda,  de  qua  hic  agimus.  Nam  si  sacra  scripta  consulamus,  satis  in  iis  instructionis  habebit  quisque  quid  facto  sibi  sit  opus  in  sua  vocatione.  Et  hactenus  dicta  ista  sunto  de  veteris  illius  populi  a  nostra  conditione  differentia.  Interim  ut  quotidie  nos  Dei  imperio  submittere,  et  in  ipsius  obsequium  magis  magisque  componere  discamus,  in  omnibus  nostris  consiliis  et  operibus  suscipiendis  Deum  ante  omnia  consulendum  meminerimus.  Quare  in  primis  usurpanda  nobis  gravis  illa  Ieremiae  prophetae  exhortatio:  primum  ut  Deum  pre-^  cemur  ne  nos  permittat  aliquid  ipsi  non  acceptum  suscipere:  deinde  ut  rebus  nostris  et  consiliis  felicem  et  beatum  exitum  concedat.  Atque  idcirco  propheta  primum  facit  oris  Domini  mentionem,  quo  nomine  Dei  verbum  designat:  deinde  spiritum  adiicit,  ut  admoneat  etiam  oportere  Deum  ut  a  nobis  verbum  eius  audiatur  vi  sui  spiritus  agere  et  operari.  Neque  enim  sufficeret  nos  verbo  Dei  doceri  quid  agendum  foret,  nisi  etiam  ab  eodem  illuminati  iudicium  et  rationem  acciperemus  ad  probe  intelligendam  doctrinam  quam  ipse  proponit:  suamque  virtutem  exsereret  ad  exitum  eorum  quae  ab  ipso  exspectamus  fortunandum.  Ex  quibus  apparet  unde  fiat  ut  saepissime  prudentissimorum  hominum  consilia  et  molitiones  evertantur  iusto  Dei  iudicio,  quod  multum  in  se  temeritatis  habeant  et  arrogantiae  :  quandoquidem  quod  praecipuum  erat,  nempe  ad  Deum  precibus  confugere,  neglexerunt.  Quare  ne  in  istiusmodi  poenas  incidamus,  ad  Deum  ante  omnia  confugiamus,  eique  nos  totos  dedamus:  ac  si  forte  temeritate  aliqua  peccatum  a  nobis  fuerit,  saltem  admoniti  resipiscamus:  Saulemque  hac  in  parte  nobis  exemplo  praeeuntem  imitemur.  Nam  etsi  magnopere  in  eo  vituperandus  est,  quod  de  persequendis  hostibus  inconsulto  Domino  deliberavit,  singularis  tamen  modestiae  in  rege  commendabilis  deinceps  exemplum  praebuit:  qui  rex  licet  tamen  admonenti  sacerdoti  statim  obtemperavit.  Ex  quo  apparet,  si  qua  levitate  et  inconstantia  peccavit,  non  tamen  pervicaciter  in  peccato  perseverasse.  Quamobrem  si  nos  contigerit  non  eo  usque  sapere  ut  unde  oportuerat  exordiremur,  nempe  Deo  honorem  daremus  quem  verbum  ipsius  praescribit,  eique  nos  totos  traderemus  ac  ipsius  spiritu  nos  regi  permitteremus:  saltem  si  in  memoriam  venerit,  aut  ab  alio  quovis  admoneamur  illius  peccati,  ne  contumaciter  et  arroganter  pergamus:  sed  culpam  agnoscentes,  veluti  positis  repagulis  ne  ultra  quidquam  aggrediamur  malum  malo  cumulantes:  sed  ad  Saulis  exemplum  modeste  nos  admoniti  geramus.  Videmus  enim  illum  a  sacerdote  admonitum,  levitatem  temeritatem  que  suam  agnoscentem  in  eo  quod  de  Deo  prius  invocando  et  consulendo  non  cogitasset,  substitisse:  et  insignis  modestiae