3:57  57  LIVRE  I.  CHAPITRE  IV.  58  en  despitant  Dieu,  souhaiteroyent  quant  et  quant  que  son  siege  iudicial,  lequel  ils  cognoissent  estre  dressé  pour  punir  les  transgressions,  fust  abatu.  Estans  menez  de  ceste  affection,  ils  bataillent  contre  Dieu,  lequel  ne  peut  estre  sans  son  iugement:  mais  pource  qu'ils  ne  peuvent  eviter  d'estre  accablez  par  sa  puissance,  et  sentent  bien  qu'ils  ne  la  peuvent  destourner,  voila  comment  ils  sont  veincus  de  crainte.  Parquoy  afin  qu'il  ne  semble  qu'en  tout  et  par  tout  ils  mesprisent  celuy  duquel  la  maiesté  les  tient  saisis,  ils  s'aquittent  tellement  quellement  d'avoir  apparence  de  religion:  cependant  ils  ne  laissent  pas  de  se  polluer  en  tous  vices,  et  amasser  enormitez  les  unes  sur  les  autres,  iusques  à  ce  qu'ils  ayent  entierement  violé  la  loi  de  Dieu  et  dissipé  toute  la  iustice  d'icelle:  ou  bien  ils  ne  sont  pas  tellement  retenus  de  ceste  feintise  de  crainte,  qu'ils  ne  se  reposent  doucement  en  leurs  pechez  s'y  flatent  et  baignent,  aimant  mieux  de  lascher  la  bride  à  l’intemperance  de  leur  chair,  que  de  la  restreindre  et  reprimer  pour  obeir  au  S.  Esprit.  Or  pource  que  tout  cela  n'est  qu'un  ombre  feint  de  religion,  mesme  à  grand'peine  merite-il  d'estre  appellé  ombre,  il  est  aisé  de  cognoistre  combien  la  vraye  pieté,  que  Dieu  inspire  seulement  aux  coeurs  de  ses  fideles,  est  differente  d'une  cognoissance  si  maigre  et  confuse:1)  dont  aussi  il  appert  que  la  religion  est  propre  aux  enfans  de  Dieu;  et  toutesfois  les  hypocrites