28:57  57  SUR  LE  DEUTER.  CHAP.  XXII.  58  on  punira  tousiours  plus  les  interests  humains,  qu'on  ne  fera  pas  l'offense  commise  contre  Dieu.  Il  est  vray  que  les  iuges  et  magistrats  ne  doyvent  point  lascher  la  bride,  a  ce  que  Dieu  soit  mocque,  que  son  nom  soit  mis  en  opprobre,  que  la  religion  soit  foulee  au  pied  :  comme  nous  avons  veu  par  ci  devant,  que  les  blasphemes  estoyent  plus  griefvement  punis  que  les  meurtres.  Mais  quand  il  y  a  quelque  peche  oblique,  la  ou  on  n'appercoit  point  un  mespris  manifeste  de  Dieu  en  la  police,  on  ne  poursuyvra  point  cela  si  fort,  que  si  les  hommes  y  ont  interest.  Ainsi,  la  paillardise  de  laquelle  Moyse  parle  ici,  d'autant  qu'elle  emporte  dommage  et  deshonneur  qui  sera  fait  a  un  homme,  pource  que  sa  fille  seroit  reculee:  qu'il  faut  que  celuy  qui  Ta  seduite,  luy  assigne  mariage  :  apres,  elle  ne  pourra  pas  trouver  parti  ailleurs,  ils  faut  donc  qu'il  la  prenne  pour  femme,  quand  le  pere  voudra.  Et  puis  s'il  la  reiettoit  au  bout  de  quelque  temps,  elle  seroit  desprouvrue.  Il  faut  donc  qu'il  la  retienne,  et  qu'il  soit  prive  du  droict  commun,  que  iamais  ne  la  puisse  laisser.  Voila  (di-ie)  une  prevoyance  que  Dieu  a  donnee  quant  a  l'interest  de  la  partie.  Or  cependant  si  est-ce  que  Dieu  ne  laisse  point  d'estre  offense,  quand  un  homme  viole  le  temple  du  sainct  Esprit,  qui  est  son  corps,  et  quand  il  prostitue  en  telle  villenie  le  membre  de  nostre  Seigneur  Iesus  Christ.  Car  nous  sommes  tous  membres  de  son  corps.  Et  puis,  quand  il  va  aussi  bien  desbaucher  une  fille  qui  est  le  temple  de  Dieu,  qui  est  du  corps  de  nostre  Seigneur  Iesus  Christ:  quand  tout  cela  se  fait,  c'est  une  confusion  trop  grande.  Or  cependant  elle  n'est  point  punie,  voire  quant  a  la  police:  mais  la  Loy  de  Dieu  demeure  tousiours  en  son  estat,  c'est  a  dire,  la  reigle  laquelle  nous  est  donnee,  et  laquelle  ne  pliera  point.  En  somme  Dieu  a  regarde  en  donnant  sa  Loy,  a  nous  ranger  en  son  obeissance:  et  a  monstre  ce  que  nous  luy  devons.  Et  voila  pourquoy  la  Loy  procede  rie  a  rie,  qu'elle  declare  a  quoy  nous  sommes  tenus.  Au  reste  quant  a  la  police,  Dieu  a  regarde  ce  que  portoit  l'infirmite  du  monde,  et  s'est  conforme  la.  Et  ainsi  il  y  a  beaucoup  de  choses  qui  n'ont  pas  este  punies  en  la  Loy  de  Moyse:  davantage  la  nous  sommes  enseignez,  que  quand  nos  fautes  ne  seront  point  iugees  par  les  hommes,  qu'il  ne  nous  faut  point  endormir  la  dessus.  Car  nous  aurons  bien  peu  gaigne,  que  les  iuges  terriens  nous  laissent  a  repos,  et  que  nous  ne  soyons  point  chastiez  devant  eux,  et  cependant  que  l'ire  de  Dieu  croisse  sur  nous:  et  d'autant  qu'il  nous  aura  attendu  en  patience,  qu'elle  s'augmente  de  plus  en  plus,  et  que  nous  prattiquions  ce  que  dit  sainct  Paul,  c'est  assavoir  d'amasser  un  thresor  de  plus  grande  condamnation  sur  nos  testes.  Apprenons  donc  de  n'avoir  point