27:57  57  SUR  LE  DEUTER.  CHAP.  X.  58  sa  possesion,  et  que  vous  puissiez  iouir  de  l'heritage  qu'il  a  promis  a  vos  peres,  et  qui  vous  appartient.  Quand  Moyse  parle  ici  de  la  grandeur  de  Dieu,  e'est  le  premier  fondement  que  nous  devons  avoir  pour  prendre  courage  de  servir  a  Dieu.  Car  s'il  n'y  a  certitude  de  religion,  tousiours  nous  irons  froidement:  et  s'il  y  a  quelque  obstination,  ce  sera  pour  nous  attribuer  ie  ne  say  quoy,  voire  d'une  sottise,  sans  qu'il  y  ait  nulle  verite  ne  droicture  :  quoy  qu'il  en  soit,  ie  di  que  quand  les  hommes  ne  seront  point  asseurez  quel  est  le  Dieu  qu'ils  adorent,  qu'ils  s'esgareront  a  travers  champs,  et  iront  a  la  volee,  et  n'auront  nul  zele  pour  le  servir.  Car  combien  que  les  Papistes  soyent  fort  adonnez  a  leurs  idolatries,  tellement  qu'il  semble  qu'ils  tiennent  fermement  ce  qu'ils  ont  imagine:  si  est-ce  qu'il  n'y  a  qu'une  opinion  douteuse,  et  un  cuider  qui  les  decoit.  Il  est  vray  qu'ils  feront  leurs  services  par  beaucoup  de  ceremonies:  mais  si  on  vient  sonder  leurs  coeurs,  on  touvera  qu'ils  sont  tousiours  en  doute,  et  qu'ils  sont  tellement  enveloppez  en  leurs  superstitions,  qu'ils  ne  savent  ou  ils  en  sont.  Et  de  faict,  s'ils  sont  pressez  d'afflictions,  le  venin  en  sort:  qu'ils  monstrent  bien  qu'ils  ne  savent  s'il  y  a  un  Dieu,  sinon  pour  le  blasphemer,  et  pour  grincer  les  dents  a  l'encontre,  pour  se  plaindre  de  luy,  Paccusant  de  cruaute,  et  qu'il  les  afflige  sans  qu'ils  l'ayent  merite.  Voila  (di-ie)  ou  en  sont  tous  ceux  qui  suyvent  leurs  phantasies,  quand  il  est  question  de  la  religion.  Il  est  vray  que  les  idolatres  sont  tellement  abrutis  en  leurs  superstitions,  qu'ils  y  vont  d'une  affection  bouillante  :  comme  les  Prophetes  reprochent  aux  Iuifs  :  Qu'ils  ont  este  ainsi  que  des  chevaux  qui  hannissent  apres  les  iumens:  qu'il  y  a  eu  une  affection  si  endiablee,  que  cela  n'est  point  repute  une  paillardise  commune,  mais  une  villenie  contre  nature.  Comme  en  la  Papaute,  ceux  qui  seront  estimez  les  plus  grands  zelateurs  de  leur  religion,  ne  voit-on  pas  comme  ils  sont  plustost  transportez  de  rage,  que  d'estre  esmeus  d'un  vray  zele  de  Dieu?  Il  est  bien  certain.  Mais  d'autant  plus  monstrent-ils  leur  villenie  et  turpitude.  Il  est  vray  qu'ils  auront  bien  ceste  audace  de  se  moquer  de  nous,  comme  si  nous-nous  estions  destournez  de  la  droite  religion:  mais  qu'il  nous  suffise  que  nous  leur  pouvons  tousiours  reprocher  qu'ils  ne  savent  quel  Dieu  ils  adorent,  et  que  de  nostre  coste  nous  avons  tesmoignage  de  la  doctrine  que  nous  suyvons,  et  que  Dieu  accepte  le  service  que  nous  luy  rendons  selon  icelle,  et  qu'en  ce  faisant  nous  pouvons  nous  presenter  hardiment  a  luy.  Voila  donc  comme  sans  avoir  certitude  de  religion,  iamais  nous  n'aurons  un  zele  bien  reigle:  que  iamais  nos  coeurs  ne  seront  disposez  a  servir  Dieu.  Voila  pourquoy  maintenant  Moyse  dit:  Or  ca,  vous  n'estes  pas  comme  les  Payens  qui  vont  a  l'aventure:  quand  ils  servent  leurs  idoles,  ils  cuident