26:57  57  SUR  LE  DEUTER.  CHAP.  III.  58  tels  ennemis?  D'autrepart,  il  ne  faut  point  que  nous  sortions  de  nous  pour  estre  vaincus.  Car  chacun  ne  taschera  qu'a  se  ruiner:  nous  avons  toutes  nos  affections,  et  toutes  nos  pensees  qui  sont  ennemis  a.  Dieu,  et  a  nostre  salut.  Ainsi  combien  que  nous  ne  fussions  point  assaillis  au  dehors:  nous  sommes  ruinez  desia  au  dedans.  Yoire-mais  quand  nostre  Seigneur  declaire  que  sa  force  habitera  en  nous,  voila  ou  il  nous  faut  prendre  confiance.  Et  ce  ne  sera  point  une  presomption  quand  nous  y  procederons  ainsi:  comme  les  Papistes  diront,  que  de  s'asseurer,  c'est  une  folie,  et  qu'il  faut  tousiours  estre  en  doute.  Et  voila  comme  ils  bastissent  leur  franc  arbitre,  et  toutes  leurs  autres  resveries  qu'ils  ont  invente,  qui  sont  plustost  illusions  de  Satan,  par  lesquelles  il  les  a  ensorcelez.  Et  sur  cela  encores  diront-ils:  O  Dieu  nous  aidera,  voire,  ils  n'ont  nulle  promesses:  pour  le  moins  ils  n'y  regardent  point.  Et  de  faict,  ils  sont  preoccupez  de  ceste  imagination  diabolique,  qu'ils  peuvent  beaucoup,  qu'ils  ont  telle  force  en  eux,  qu'ils  peuvent  estre  compagnons  de  Dieu.  Et  tant  y  a,  qu'encores  ils  esperent  tellement  quellement  a  l'avanture.  Et  cependant  ils  nous  accusent  de  presomption,  quand  nous  prendrons  nostre  seul  appuy  aux  promesses  de  Dieu,  sachans  que  nous  ne  pouvons  rien:  qu'il  n'y  ha  point  en  nous  une  seule  goutte  de  force.  Quand  nous  attendrons  de  la  bonte  gratuite  de  nostre  Dieu  ce  qu'il  nous  a  promis,  voire  ne  presumans  rien  de  nous:  mais  selon  qu'il  luy  a  pleu  de  s'obliger  par  ses  promesses,  que  nous  esperons  ce  qu'il  nous  a  dit  :  ne  faut-il  pas  que  le  diable  ait  bien  creve  les  yeux  aux  papistes,  quand  ils  appellent  une  telle  confiance,  presomption,  qui  n'est  fondee  que  sur  les  promesses  de  Dieu?  Mais  de  nostre  coste  (comme  i'ay  dit)  marchons  hardiment,  et  ne  doutons  point  que  Dieu  ne  puisse  livrer  en  nos  mains  nos  ennemis.  Combien  qu'il  semble  qu'ils  nous  doivent  attrapper  en  leurs  pattes,  qu'ils  nous  doivent  du  tout  accabler:  si  est-ce  que  Dieu  les  a  desia  livrez  en  nos  mains  devant  le  combat:  et  faut  que  nous  bataillions  en  telle  certitude  tous  les  iours  contre  Satan.  Il  est  vray,  que  si  nous  regardons  a  la  condition  des  fideles,  il  semblera  bien  qu'ils  soyent  en  proye,  et  qu'ils  n'ayent  nulle  resistance  contre  leurs  ennemis.  Mais  quoy?  Dieu  a  desia  son  conseil  determine,  l'execution  ne  s'appercoit  pas  du  premier  coup:  mais  si  faut-il  que  les  fideles  contemplent  ce  qui  est  encores  cache,  quand  ils  ont  ceste  parolle  qui  leur  est  donnee:  Ie  livr  er  ay  tes  ennemis  en  ta  main.  Et  voila  pourquoy  S.  Paul  dit,  Dieu  mettra  Satan  sous  vos  pieds  en  bref.  Il  est  vray  que  Satan  s'esleve  :  Et  voila  pourquoy  aussi  en  un  autre  lieu  il  dit:  Qu'il  ha  sa  puissance  et  son  empire  en  l'air.  Il  semblera  donc  que  Satan  soit  sur  nos  testes,  et  qu'il  nous  doive