23:57  57  COMMENTARIUS  IN  GENESIN.  58  tos  esse  nos  decet  quod,  quum  esset  Dei  adversarius,  conatus  sit  ordinem  ab  eo  positum  evertere:  quia  Deum  non  poterat  e  solio  suo  detrahere,  hominem  aggressus  est,  in  quo  refulgebat  eius  imago.  Everso  homine,  horrendam  fore  totius  mundi  confusionem  noverat,  sicut  accidit:  ergo  in  hominis  persona  studuit  opprimere  Dei  gloriam.  Omissis  commentis,  doctrinam  hanc,  quae  simplex  est  ac  solida,  teneamus.  Etiamne?  Varie  exponitur,  imo  torquetur  haec  sententia,  partim  quia  per  se  obscura  est,  partim  ob  hebraicae  particulae  ambiguum  sensum.  ^D  F)tf  Hebraeis  tantundem  valet  interdum  ac  Latinis  Etiamsi,  vel  enimvero,  interdum,  quanto  magis.  David  Kimhi  in  hoc  postremo  sensu  accipit:  et  putat  multa  ultro  citroque  habita  fuisse  verba,  antequam  huc  descenderet  serpens:  nempe  quod  aliis  nominibus  Deum  calumniatus,  tandem  concludat:  Hinc  multo  magis  apparet  quam  invidum  se  et  malignum  praebuerit  erga  vos,  quia  arborem  scientiae  boni  et  mali  vobis  interdixerit.  Verum  expositio  haec,  praeterquam  quod  coacta  est,  Hevae  responso  falsa  esse  coarguitur.  Rectius  Chaldaeus  paraphrastes,  Verumne  est  quod  Deus  prohibuerit,  ete.  Porro  quibusdam  simplex,  aliis  ironica  esse  videtur  interrogatio.  Simplex  esset  quae  dubitationem  iniiceret,  hoc  modo  :  Fierine  potest  ut  esum  cuiuspiam  arboris  vetuerit  Deus?  Ironica  autem,  quae  excuteret  inanem  metum  :  Scilicet  Dei  multum  interest  an  edatis  ex  arbore:  ridiculum  ergo  quod  vobis  putatis  esse  vetitum.  Priori  sententiae  ideo  libentius  subscribo,  quia  magis  probabile  est  Satanam,  ut  occultius  falleret,  flexuosis  ambagibus  sensim  progressum  esse,  ut  mulierem  in  contemptum  divini  praecepti  induceret.  Iam  alii  existimant,  Satanam  praecise  negare  esse  Dei  verbum  quod  audierant  homines.  Alii  (quibus  ego  magis  assentior)  putant  sub  causae  quaerendae  praetextu,  oblique  labefactari  verbi  fidem.  Et  certe  vetus  interpres  transtulit:  Cur  dixit  Deus?  quod  etsi  non  in  totum  probo,  non  tamen  dubito  quin  mulierem  serpens  ad  quaerendam  causam  sollicitet:  quoniam  aliter  eius  animum  a  Deo  abducere  non  poterat.  Valde  periculosa  tentatio,  quum  nobis  suggeritur  non  esse  Deo  parendum,  nisi  quatenus  mandati  ratio  constat.  Vera  enim  obedientiae  regula  est,  ut  nudo  imperio  contenti,  iustum  esse  ac  rectum  nobis  persuadeamus  quidquid  praecipit.  Quisquis  vero  praeter  mensuram  sapere  appetet,  hunc  excussa  Dei  reverentia  protinus  in  apertam  rebellionem  abripiet  Satan.  Quantum  ad  grammaticam  attinet,  vertendum  censeo.  Etiamne,  vel  Itane?  Satanae  tamen  artificium  notandum  est.  Mulieri  enim  scrupulum  iniicere  voluit,  ut  verbum  Dei  non  esse  crederet,  cuius  non  palam  exstabat  plausibilis  ratio.  Ex  omni  arbore  horti.  Duplicem  sensum  affe-