22:57  57  INSTRUCTION  ET  CONFESSION  DE  FOY.  58  ques  bonnes  oeuvres  ce  sont  les  fruictz  et  les  vertus  de  sa  grace  :  et  sans  luy  il  ny  a  en  nous66)  que  tenebres  dentendement  et  perversite  de  cueur.  Ie  croy  la  saincte  Eglise  universelle,  la  communion  des  saincte.  Nous  avons  desia  veu  la  fontaine  dont  sort  lEglise  laquelle  nous  est  icy  proposee  a  croire  a  ceste  fin  que  nous  ayons  confiance  que  tous  les  eleuz  par  le  lyen  de  la  foy  sont  conioinctz  en  une  Eglise  et  societe  et  en  un  peuple  de  Dieu,  duquel  Christ  nostre  Seigneur  est  le  conducteur  et  prince  et  chief  comme  dun  corps,  ainsi  que  en  luy  ilz  ont  este  eleuz  devant  la  constitution  du  monde  affin  quilz  feussent  tous  assemblez  au  royaulme  de  Dieu.  Ceste  societe  est  catholique  cest  a  dire  universelle,  car  il  ny  en  a  point66)  deux  ou  trois:  mais  tous  les  eleuz  Dieu  sont  tellement  unis  et  conioinctz  en  Christ,  que  comme  ilz  dependent  dun  chief  ainsi  ilz  croissent  comme  en  un  corps,  estans  adherans  entre  eulx  lun  a  lautre  dune  telle  composition  comme  les  membres  dun  mesme  corps,  estans  vrayement  faictz  un  en  tant  quen  une  mesme  foy,  esperance  et  charite  ilz  vivent  dun  mesme  esperit  de  Dieu,  appellez  a  un  mesme  heritage  de  vie  eternelle.  Elle  est  aussi  saincte,  car  tous  ceulx  qui  sont  eleuz  par  leternelle  providence  de  Dieu  a  ce  quilz  feussent  adoptez  comme  membres  de  lEglise,67)  sont  tous  sainctifiez  du  Seigneur  par  regeneration  spirituelle.  La  derniere  particule  explique  encores  plus  clairement  quelle  est  ceste  Eglise,  cest  a  scavoir  que  tant  vault  la  communion  des  fideles  que,  de  quelconque  don  de  Dieu  que  un  deulx  ait  receu,  tous  en  sont  faictz  aucunement  participans:  combien  que  par  la  dispensation  de  Dieu  ce  don  soit  peculierement  donne  a  un  et  non  pas  aux  aultres.  Tout  ainsi  comme  les  membres  dun  mesme  corps  par  quelque  communite  participent  tous  entre  eulx  de  toutes  choses  quilz  ont,  et  toutesfois  ilz  ont  chascun  a  par  *  soy  peculieres  proprietez68)  et  divers  offices.  Car  (comme  dict  a  este)  tous  les  eleuz  sont  assemblez  et  formez69)  en  un  corps.  Or  nous  croyons  la  saincte  Eglise70)  et  sa  communion  par  telle  condition  que  asseurez  par  ferme  foy  en  Christ  nous  ayons  confiance  que  nous  sommes  membres  dicelle.  65)  nostrae  sine  ipso  dotes  mentis  sunt  tenebrae  etc.  66  non  invenire  liceat.  67  in  ecclesiae  numerum.  68  dotes.  69  compacti.  70  sanctam  esse  ecclesiam.