21:57  57  PAR  NICOLAS  COLLADON.  58  taIDS  Curez  en  ces  quartiers-la,  afin  de  donner  au  peuple  quelque  goust  de  la  vraye  et  pure  cognoissance  de  son  salut  par  Iesus  Christ.  Cependant  qu'il  estoit  en  Xantonge,  il  fit  un  voyage  a  Nerac,  pour  voir  le  bon  homme  Iaques  Faber  d'Estaples,  qui  estoit  fort  ancien  4)  et  avoit  este  precepteur  des  enfans  du  roy  Francois:  mais  estant  persecute  par  la  Sorbonne,  s'estoit  retire  en  ce  pays-la.  Le  bon  vieil!ard  fut  fort  aise  de  voir  Calvin,  et  conferer  avec  luy.  Quelque  temps  apres,  de  Xantonge  Calvin  s'en  vint  encore  a  Paris,  ne  se  monstrant  pas  toutesfois  trop  communement,  pource  qu'il  n'y  faisoit  seur  pour  luy.  Tant  y  a  que  Michel  Servet  des  lors  commencant  a  semer  de  ses  erreurs,  Calvin  ne  refusa  point  de  conferer  avec  luy  pour  essayer  de  le  reduire,  ou  bien  pour  le  conveincre  et  redarguer  par  la  parole  de  Dieu*  Pour  ce  faict  fut  accorde  qu'ils  se  trouveroyent  tous  deux  a  heure  nommee  en  une  certaine  maison  en  la  rue  S.  Antoine,  ce  que  Calvin  fit,  combien  qu'il  y  eust  du  danger  pour  sa  personne:  mais  ledit  Servet  ne  comparut,  quoy  qu'on  Fattendist  long  temps.  Or  en  fin,  voyant  le  povre  estat  du  royaume  de  France  quant  a  la  religion,  il  delibera  de  s'en  absenter,  pour  vivre  plus  paisiblement  et  selon  sa  conscience.  Il  partit  donc  de  France  l'an  1534,  et  avec  luy  ledit  ieune  homme  avec  lequel  nous  avons  dit  qu'il  demeuroit  en  Xantonge.  Mais  devant  que  sortir  de  France,  estant  ceste  annee-la  a  Orleans,  il  composa  un  livre  intitule  Psychopannychia,  c'est  a  dire  Le  dormir  et  comme  la  nuict  des  ames  :  pource  que  la  il  refute  l'erreur  qu'aucuns  [b  1]  semoyent,  que  les  ames  apres  la  mort  des  corps  dorment  iusqu'au  iour  du  dernier  iugement.  Ledit  livre  monstre  comment  des  lors  il  estoit  bien  exerce  es  Escritures.  Au  partir  de  France,  luy  et  son  compagnon  prindrent  le  chemin  de  Lorraine  pour  venir  a  Basle.  Audit  voyage  leur  advint  un  destourbier  par  la  laschete  de  l'un  des  deux  serviteurs  qu'ils  avoyent  avec  eux.  C'est  qu'iceluy  serviteur,  en  un  lieu  pres  de  Mets  nomme  Desme,  desroba  la  bougette  ou  estoit  tout  leur  argent,  et  emmena  un  des  chevaux:  tellement  qu'ils  eussent  este  en  grande  necessite,  sans  ce  que  l'autre  serviteur,  qui  est  encore  vivant  auiourd'huy,  avoit  dix  escus  siens,  qui  soumirent  pour  les  mener  a  Strasbourg,  dont  ils  vindrent  a  Basle.  La  Calvin  ayant  demeure  quelque  temps  fit  imprimer  sa  premiere  Institution,  comme  un  Apologetique  adresse  au  roy  Francois  premier  de  ce  nom,  pour  les  povres  fideles  persecutez,  ausquels  a  tort  on  imposoit  le  nom  d'Anabaptistes,  pour  excuser  envers  les  princes  protestans  les  persecutions  1)  aage  F.