20:57  57  1563  IUL.  58  3976,  BEZA  FARELLO.  Varia  nova  ex  Gallia  et  regionibus  sejptentrionalibus.  Calvini  morbus.  Controversia  cum  Castalione.  (Ex  bibliotheca  pastorum  Neocomensium.)  8.  Habeo  quidem  multa  quae  scribam,  sed  pleraque  ex  hoc  nostro  fratre  cognosces.  Lugduni  tria  templa  obtinuimus  et  gubernatoris  D.  de  Saux  aequitate  factum  est  ut  tolerabilis  illic  sit  ecclesiae  status.  *)  In  Campania,2)  solis  Trecensibus  exceptis,  res  satis  sunt  compositae.  De  Burgundia  3)  quoque  multa  meliora  iam  nobis  nunciantur.  In  aula  multi  conqueruntur  Principem  nostrum  non  ita  fervere  ut  oportuit  et  certum  est  nondum  domitos  esse  Parisienses,  quamvis  multi  iam  ex  nostris  in  urbem  sunt  regressi.  Sed  ex  iis  qui  magistratu  fungebantur,  plerique  suos,  quos  vocant,  status  vendiderunt,  pauci  sunt  constantes,  quidam  etiam  ultro  Sorbonicae  confessioni,  quamvis  nemine  cogente,  subscripserunt,  ut  constet  vere  Christum  dixisse,  difficile  esse  divitem  ingredi  regnum  coelorum.  Sed  ab  hominibus  non  pendemus,  et  quod  ad  me  attinet,  sicut  adhuc  feci,  nunc  quoque  optime  spero.  Bellum  fervet  inter  Daniae  et  Suetiae  reges,  quod  procul  dubio,  nisi  Deus  remedium  attulerit,  magnam  Germaniae  partem  secum  trahet,  quia  neque  futurum  suum  generum  Lantgravius,  neque  uxoris  fratrem  Augustus  deseret,  et  mihi  nunciatur  magnam  equitum  nostrorum  partem  recta  adversus  Danum  contendere.  Habes  de  his  rebus  plura  quam  putaram.  Venio  iam  ad  ea  quae  proprie  nostra  sunt.  Calvinus  noster  eiecto  magno  calculo  gravissime  excruciatus,4)  fere  iam  ex  eo  quidem  morbo,  Dei  gratia,  convaluit  et  te  plurimum  salutat.  Bemondus5)  ex  dextra  tibia  decumbit,  Portus*)  graecus  professor  periculose  aegrotat,  caeteri  optime  habent  et  egregie  schola  nostra  promovetur.  Non  possumus  mittendis  ministris  satisfacere.  Itaque  hunc  fratrem  nuper  Mompelgardo  eiectum7)  libenter  eo  3976.1)  Vide  omnino  N.  3974.  2)  Hist.  eccl  II.  376  ss.  Hist.  des  choses  mem.  p,  169.  3)  Hist  eccl  III.  430.  Bist.  des  choses  mem.  p.  276  ss.  4)  N.  3974.  5)  Chauvet.  6)  N.  3951.  7)  Duvernoy,  Ephem.  1563,  14.  Mai  p.  178;  La  regence  fait  connaitre  aux  princes  tuteurs  qu'elle  a  congedie  Mtth.  Watelet  ministre  a  Montbeliard,  et  ses  confreres  Ben.  Pascal  de  VandoncQurt,  Jean  Biney  de  Valentigney,  Renaud  Angon  de  S.  Julien  et  Jean  Tiersaut  de  Dampierre,  imbus  comme  lui  de  la  doctrine  de  Calvin  sur  la  predestination,  qui  tous  cinq  se  sont  retires  aupres  de  leur  idole  a  Geneve.