15:57  57  1554  FEBRUAR.  58  et  antiehristiano  supplicio  affecisset?  Habuit  quidem  civitas  vestra,  vidit  et  cognovit,  plurimos  istiiac  transeuntes,  in  Deum  et  veram  religionem  contumaces,  impios,  blasphemos  et  manifestos  evangelii  contemptores,  imo  et  persequutores,  quos  tamen  liberos,  securos  et  inoffensos  abire  permisit.  At  vero  lioc  unum  erat  caput  tantopere  animis  vestris  infensum,  oculis  grave,  auribus  infestum,  noc  unum  caput  erat  tot  laqueis  et  insidiis  obsessum,  tot  telis  expetitum,  tot  diris  et  imprecationibus  devotum:  sic  tandem  praeda  in  casses  decidit,  laqueos  et  insidias  evitare  non  potuit:  tandem  suae  audaciae  et  temeritatis  poenas  dedit.  Gaude,  Antoni,  gaude  et  satiare  I  En  caput  et  dextram  nominis,  qui  in  te  moresque  tuos  stilum  tam  acriter  strinxit,  in  tuos  errores  et  vitia  tam  libere  et  licenter  invectus!  Hoc  Ithacus  velit  et  magno  mercentur  AtridaeJ  9)  Quod  si  pacatiore  animo  iustitiae  leges  consideremus,  quanta  mox  iniustitia,  quanta  immanitas  apparebit.  Nemo  enim  sine  dolo  morte  punitur.  Quomodo  autem  doli  is  argui  potest  qui  opinionem  animo  conceptam  ut  veram  et  evangelicam  scripturis  et  rationibus  tueri  atque  etiam  mori  pro  ea  paratus  est?  Neminem  sane  puto  tam  stupidi  esse  ingenii,  tam  hebeti  consilio,  tam  communis  sensus  expertem,  qui  in  animum  suum  inducere  possit,  hominem  velle  ultro  falsitatem  sibi  cognitam  cum  suo  dispendio  manifeste  tueri,  et  pro  ea  non  modo  temporalem  sed  etiam  aeternam  mortem  oppetere.  Quanquam  enim  permulti  inveniuntur  qui  pro  temporariis  commodis  veritati  cognitae  pro  tempore  refragentur  aut  falsitati  faveant  simulantes,  nullus  tamen  unquam  inventus  est  qui  pro  falsa  opinione  prudens  sciensque  mori  voluerit,  et  animam  suam  ad  aeternum  interitum  gratis  et  sponte  deducere.  Praeterea,  quum  scrutatores  cordium  nullo  modo  esse  possimus,  quae  res  soli  Deo  praecipua  est,  de  aliena  conscientia  iudicare  temere  non  debemus,  nec  alienam  fidem  in  deteriorem  partem  accipere:  sed  boni  animi  simplicitas  et  caritas  suadent  ut  male  opinantem  vel  sentientem  errore  magis  quam  dolo  peccare  existimemus,  et  magis  imprudentia  labi  quam  se  ipsum  scienter  prodere  et  mortis  aeternae  vinculis  obligare.  Fides  enim  et  veritatis  cognitio  donum  Dei  est,  nec  omnibus  omni  tempore  datur.  Spiritus  ergo  omnia  iudicat,  ipse  autem  a  nullo  sed  a  se  ipso  iudicatur.  Quare  iniquissimum  est  errantes  spiritus  corporalibus  poenis  velle  constringere,  et  homines  imprudenter  labentes  atque  falsa  opinione  deceptos  ultimo  supplicio  adiudicare.  Nunc  addamus  exempla.  Si  Martini  Lutheri  spiritus,  quum  Deo  placuit,  in  hoc  excitatus  fuit  ut  plerasque  opiniones  in  religione  christiana  iam  mille  et  trecentis  abhinc  annis  publico  omnium  pa-  9)  Virg.  Am.  IL  104.