13:57  57  1548  OCTOB.  58  Gratiam  et  pacem  Dei  in  Christo/  Legi  tuas  literas  ad  Iohannem  Halesium,  in  quibus  tristissinios  Germaniae  casus  commemorans  te  in  tua  urbe  verbi  ministerio  vix  diutius  praeesse  posse  scribis.  Gemens  igitur  prophetae  illud  exclamavi:  Mirifica  misericordias  tuas,  qui  salvos  facis  sperantes  in  te  a  resistentibus  dexterae  tuae.  Nec  dubito  quin  Deus  hos  et  similes  piorum  gemitus  exauditurus  sit,  et  veram  doctrinam,  quae  hactenus  in  vestris  ecclesiis  sincere  propagata  est,  et  conservaturus  et  defensurus  sit  adversus  omnes  diaboli  et  mundi  furoses.  Interim  saevientibus  fluctuum  procellis  in  portus  confugiendum  est  iis  qui  vela  in  altum  tendere  non  possunt.  Tibi  igitur,  mi  Bucere,  portus  longe  tutissimus  erit  nostrum  regnum,  in  quo  Dei  beneficio  semina  verae  doctrinae  feliciter  spargi  coeperunt.  Veni  igitur  ad  nos  et  te  nobis  operarium  praesta  in  messe  Domini.  Non  minus  proderis  catholicae  Dei  ecclesiae,  quum  apud  nos  fueris,  quam  si  pristinas  sedes  retineres.  Adde  quod  adflictae  patriae  vulnera  absens  melius  sanare  poteris  quam  nunc  possis  praesens.  Omni  igitur  semota  cunctatione  quamprimum  ad  nos  venias.  Ostendemus,  nobis  praesentia  Buceri  nihil  gratius  aut  iucundius  esse  posse.  Sed  cave  ne  quid  ex  itinere  incommodi  accipias.  Nosti  quos  habeas  vitae  insectatores  :  eorum  manibus  ne  te  commiseris.  Est  istic  mercator  quidam  Anglus  Richardus  Hils1),  vir  pius  et  summa  fidelitate  praeditus  cum  quo  de  tota  itineris  ratione  te  conferre  velim.  Praeterea  Deum  aeternum  patrem  Domini  nostri  Iesu  Christi  toto  pectore  oro  ut  in  ira  misericordiae  recordetur,  et  adflictae  ecclesiae  calamitates  respiciat,  et  lucem  verae  doctrinae  apud  nos  magis  magisque  accendat,  apud  vos  vero  iam  multos  annos  praeclare  lucentem  non  exstingui  patiatur.  Is  te  quoque,  mi  Bucere,  regat  et  servet  et  incolumem  ad  nos  traducat.  Bene  et  feliciter  vale.  Londini  2d-  Octob.  1548.  Tui2)  ad  nos  accessus  cupientissinms  T.  Cant8).  1081.  BRENTIUS  CALVINO.  Narrat  fata  sua  post  subactum  ducatum  Wirtembergensem,  item  aliarum  civitatum  et  regionum  discrimina.  XO8O.  1)  vide  infra  N.  1113.  2)  manu  propria.  3)  Thomas  Cantuariensis  archiepiscopus.