11:57  1540  IUN.  contemplandis  tota  vita  detinentur.  Et  certe  non  multum  sunt  absimiles.  Quorsum  enim  pertinet  in  hoc  tantum  philosophari  ut  doctus  sis  et  censearis?  Atqui  illud  necesse  est  evenire  omnibus  qui  et  profanis  scriptis  perpetuo  immorantur,  vel  potius  incubant,  nec  alio  spectant  nisi  ut  reconditam  inde  eruditionem  referant.  Ergo  ut  in  verum  scopum  tua  studia  destinentur,  fac  primum  ut  sint  eiusmodi  quae  ad  vitam  tuam  reformandam  valeant,  deinde  quibus  ad  alios  iuvandos  instructus  sis  ac  comparatus.  Id  fiet  si  bonam  temporis  partem  sacrae  lectioni  destinaveris,  et  eum  animum  ad  legenda  Domini  oracula  afferas,  quem  coelestis  ille  magister  a  discipulis  suis  requirit.  Alioqui  non  est  quod  Deo  approbari  vitam  tuam  posse  existimes,  etiamsi  hominibus  centies  satisfacias.  Neque  enim  vel  pauper  es  ut  praetexas  aequum  esse  tuam  inopiam  ecclesiae  opibus  sublevari,  nec  sic  praedae  expositae  sunt  ecclesiasticae  facultates  ut  non  certo  aliquo  iure  obtinendae  sint.  Scio  quam  odiosa  sit  plerisque  istaec  mea  severitas.  Sed  quid  vobis,  obsecro,  in  perniciem  vestram  blandior?  Ne  id  quidem  humanum  esset,  tantum  abest  ut  sit  christianum.  Quanquam  me  etiam  tacente  satis  te  aliorum  exempla  monent.  Multi  enim  exstiterunt  qui  praeclaram  de  se  initio  spem  praebuerunt:  ubi  vero  se  in  illam  desidiam  ac  securitatem,  vel  potius  socordiam  tradiderunt,  quotusquisque  fuit  qui  non,  ut  ita  loquar,  evanuerit  in  fumum?  l)  Huc  se  nuper  ad  nos  adolescentes  duo2)  istinc  contulerunt,  inconsultis  suis,  quemadmodum  ex  literis  intelleximus  quae  paulo  post  sunt  subsequutae.  Communicarunt  autem  mecum  praecipue  Ioannis  Truschii3)  doctoris  literas  ea  de  re  ad  alterum  ipsorum  scriptas  quoniam  nonnihil  ad  me  pertinebant.  Iubebat  enim  ut  Sturmium  potius  ac  me  in  consilium  adhiberet  quam  aequales  suos.  Obtemperavit  ille  quantum  ad  consilium  petendum,  sed  quemadmodum  rationes  suas  nobis  exposuit,  non  potuimus  aliud  suadere  quam  ut  alteram  responsionem  hic  a  suis  exspectaret.  Quid  causae  habuerimus  tibi  breviter  indicabo,  ut  si  qua  tibi  cum  ipso  Truschio  familiaritas  intercedat,  ei  quoque  significes.  Primum  videbamus  non  posse  hinc  amandari  quin  propemodum  invitus  abstruderetur.  Tanta  scilicet  cupiditate  flagrabat  nobiscum  hic  manendi.  Quod  si  persuasus  esset  ut  in  Galliam  rediret,  nunquam  tamen  fuisset  impetratum  ut  viveret  Aureliae.  Nam  quum  omnia  nobis  concederet,  illud  semper  con-  223*  1)  Desunt  nonnulla  de  Frambergo  et  de  N.  D.  matre  relinquenda  si  filium  ad  superstitionem  colendam  velit  cogere.  Haec  Daniel  in  margine.  2)  In  margine:  Do.  Thibaut  Eotom.  Oophil  (?)et  Albaspinaeus  episcopus  Lemovicensis.  3)  Literas  humaniores  profitebatur,  fortasse  et  iuridicis  studiis  deditus,  Aureliae,