49:569  569  CAPUT  XVI.  570  celebrasse,  quod  eius  superstitione  teneretur:  sed  quia  futurus  erat  tunc  conventus  maior,  atque  ita  occasionem  sibi  oblatum  iri  sperabat  evangelii  propagandi.  Quemadmodum  quum  Ierosolymam  properaret,  causam  festinationis  afferebat,  ut  illuc  appelleret  ad  pentecosten.  Sed  quum  alii  ex  legis  ritu  se  sisterent  ad  sacrificandum,  ipse  diversum  finem  spectabat,  ut  in  maiore  frequentia  ministerium  suum  foret  utilius.  Esset  autem  illud  nimis  frigidum,  Paulum  quinquaginta  dies  hic  praescribere.  Et  quum  TYJV  TCsvxyjocoax^v  pronuntiat,  nonnisi  de  certo  die  potest  accipi.  Porro  de  hoc  festo,  vide  Levit.  23,  16.  9.  Nam  ostium  mihi  apertum  est.  Duas  rationes  affert  cur  Ephesi  diutius  haereat:  quod  facultas  illic  sibi  detur  promovendi  evangelii,  et  quod  propter  adversariorum  turbam  sua  praesentia  maxime  requiratur.  Perinde  ergo  est  ac  si  diceret:  Hic  moram  paulisper  trahendo,  multum  sum  profecturus,  et  Satan  me  absente  plurimum  noceret.  In  priore  membro  metaphora  utitur  satis  vulgari,  quum  ostium  pro  occasione  ponit.  Dominus  enim  aditum  illi  patefaciebat  ad  promovendum  evangelium.  Ostium  hoc  magnum  vocat,  quod  multos  poterat  lucrificare:  vocat  efficax,  quod  Dominus  labori  eius  benediceret,  ac  doctrinam  eius  spiritus  sui  potentia  redderet  efficacem.  Videmus  ergo  ut  sanctus  vir  ubique  Christi  gloriam  sequutus  sit,  non  suo  commodo  aut  sua  voluptate  locum  elegerit:  sed  hoc  spectaverit  tantum,  ubi  plurimum  prodesse,  et  uberiore  cum  fructu  servire  Domino  posset.  Huc  accedit,  quod  non  modo  non  refugerit  molestias,  sed  ultro  se  opposuerit,  ubi  acrius  ac  maiore  difficultate  pugnandum  esse  cernebat.  Ideo  enim  manebat,  quod  instarent  multi  adversarii,  quorum  ad  sustinendum  impetum  quo  erat  instructior,  eo  paratior  et  magis  voluntarius  esse  debebat.  10.  Quod  si  venerit  Timotheus.  Loquitur  perinde  ac  si  de  eius  adventu  nondum  esse  certus.  Commendat  autem  Timotheum  ut  sit  apud  eos  in  tuto  :  non  quia  immineret  eius  vitae  ab  ipsis  periculum,  sed  quia  Christi  hostes  habiturus  erat  infestos.  Vult  ergo  eos  diligenter  curare  ne  qua  illi  iniuria  inferatur.  Addit  causam,  quia  opus  Domini  operatur.  Unde  colligimus  ecclesiam  Christi  de  conservanda  ministrorum  vita  debere  esse  sollicitam.  Et  certe  aequum  est  ut  quisque  maioribus  gratiis  pollet  ad  aedificationem  fidelium  seque  magis  strenue  impendit;  ita  eius  vitam  nobis  esse  cariorem.  Particula  quemadmodum  ego  vel  ad  exprimendum  praestantiam  est  posita,  vel  simpliciter  ad  indicandam  muneris  similitudinem  :  quia  uterque  in  verbo  laboraret.  l  l  .  Ne  quis  igitw  eum  spernat  Secunda  commendatio,  ne  ipsum  spernant:  fortasse  quia  aetate  Calvini  opera.  Vol.  XLIX.