48:569  569  CAPUT  XXVIII.  570  fideles  suos  secum  faceret  coelestis  vitae  haeredes.  Haec  autem  omnia  impleta  suisse  in  persona  Iesu  Christi  crucifixi.  De  his  autem  rebus  agere  non  potuit,  quin  Iudaeos  a  crassis  suis  et  terrenis  figmentis  in  coelum  vocaret,  ac  simul  tolleret  offendiculum  crucis,  quum  doceret  non  alium  fuisse  nostrae  cum  Deo  reconciliationis  modum.  Notemus  autem  quidquid  tradidit  Paulus  de  Christo,  sumpsisse,  teste  Luca,  ex  lege  et  prophetis.  In  hoc  enim  differt  vera  religio  ab  omnibus  fictitiis,  quod  solum  Dei  verbum  pro  regula  habet.  In  hoc  etiam  a  profanis  omnibus  sectis  differt  ecclesia  Dei,  quod  hunc  solum  loquentem  audit,  eiusque  imperio  regitur.  Iam  vero  hinc  perspicitur  veteris  testamenti  cum  evangelio  consensus  ad  stabiliendam  in  Christo  fidem:  deinde  illa  duplex  scripturae  utilitas,  quam  idem  Paulus  alibi  commendat  (2.  Tim.  3,  16)  :  nempe  quod  sufficiat  tam  ad  dociles  erudiendos,  quam  ad  refellendam  eorum  pervicaciam,  qui  se  veritati  opponunt.  Has  igitur  sibi  metas  praefigant,  qui  sobrie  sapere  et  alios  recte  docere  cupiunt,  ne  quid  proferant  nisi  ex  puro  scripturae  fonte.  Aliter  philosophi,  qui  rationibus  tantum  pugnant,  quia  nulla  apud  eos  solida  est  autoritas:  quos  nimis  perperam  aemulantur  papistae,  qui  posthabitis  Dei  oraculis  tantum  in  humani  cerebri  commenta,,hoc  est  meras  stultitias,  recumbunt.  24.  Quidam  credebant.  Hunc  tandem  disputationis  successum  fuisse  Lucas  refert,  ut  nequaquam  omnes  pariter  in  eadem  doctrina  proficerent.  Scimus  ea  spiritus  gratia  praeditum  fuisse  apostolum,  ut  lapides  flectere  debuerit.  Neque  tamen  hoc  adeptus  est,  diu  multumque  disserendo,  testificando  etiam,  ut  omnes  Christo  lucrifaceret.  Quare  ne  miremur  si  clarae  evangelii  doctrinae  multorum  incredulitas  hodie  resistat,  et  multi  obstinati  maneant,  quibus  non  minus  patefacta  est  Christi  veritas  quam  sol  meridie  lucet.  Adde  quod  caeci  et  stupidi  a  Paulo  redeunt,  qui  sponte,  quasi  discendi  animo  accesserant.  Si  in  voluntariis  auditoribus  talis  fuit  contumacia,  quid  mirum  si  Christum  amarulento  animo  respuant,  qui  fastu  turgidi  et  amarulentia,  ex  professo  lucem  fugiunt  ?  25.  Quumque  inter  se  essent  discordes,  discesserunt,  postquam  dixisset  Paulus  verbum  unum:  Bene  spiritus  sanctus  loquutus  est  per  Iesaiam  ad  patres  nostros,  26.  dicens:  Vade  ad  populum  istum,  et  dic:  Auribus  audietis,  et  non  intelligetis:  et  videntes  videbitis,  et  non  perspicietis.  27.  Incrassatum  est  enim  cor  populi  huius,  et  auribus  graviter  audierunt,  et  oculos  suos  compresserunt:  ne  quando  videant  oculis,  et  auribus  audiant,  et  corde  intelligant,  et  convertantur,  et  sanem  eos.  28.  Notum  ergo  sit  hoc  vobis,  quod  gentibus  missum  est  hoc  salutare  Dei,  et  ipsi  audient  29.  Quum  haec  dixisset,  exierunt  ab  eo  Iudaei,  mul-