40:569  569  IN  DANIELEM.  CAP.  II.  570  nores  deos.  Nam  apud  omnes  gentes  semper  valuit  illa  persuasio,  esse  aliquem  summum  deum,  qui  solus  dominaretur.  Postea  finxerunt  deos  minores.  Et  quisque  pro  sua  libidine  deum  sibi  fabricavit.  Deos  igitur  pro  communi  sensu  et  opinione  hic  nominant.  Quanquam  referri  hoc  potest  ad  genios,  vel  deos  aerios.  Scimus  enim  imbutos  hac  opinione  fuisse  incredulos  omnes,  ut  putarent  quosdam  esse  deos  intermedios.  Et  magnum  etiam  certamen  fuit  apostolis  cum  errore  illo  vetusto.  Et  scimus  libros  Platonis  refertos  esse  hac  doctrina,  nempe  inter  coeleste  numen  et  inter  homines  esse  daemonas  aut  genios,  quasi  mediatores.  Poterimus  ergo  commode  intelligere  haec  verba,  quod  Chaldaei  solos  angelos  putent  esse  interpretes,  non  quia  sincere,  vel  ad  liquidum  sentirent  de  angelis  quod  scriptura  docet:  verum  apud  ipsos  vigebat  Platonica  illa  doctrina,  adeoque  superstitio  de  geniis,  qui  et  in  coelo  versantur,  et  commercium  habent  cum  summo  Deo,  et  simul  etiam  familiares  sunt  mortalibus.  Quoniam  ergo  homines  carne  induti  sunt,  non  possunt  ita  se  attollere  in  coelum,  ut  omnia  arcana  percipiant.  Unde  sequitur,  regem  inique  facere,  quod  ipsis  iniungat  munus  angelicum  vel  divinum.  Haec  etiam  excusatio  fuit  probabilis:  sed  surdae  erant  regis  aures:  quia  suo  impetu  rapiebatur:  et  Deus  etiam  quasi  furiis  illum  instigabat,  ut  non  posset  quiescere.  Hinc  igitur  saevitia,  quam  subiicit  Daniel:  12.  'Propterea  rex  in  ira  et  indignatione  magna  edixit  ut  interficerentur  omnes  sapientes  Babylonis.  Denuntiatio  quam  antea  vidimus  erat  horribilis:  sed  iam  ultra  progreditur  Nebuchadnezer.  Neque  enim  minitatur  Chaldaeis  mortem,  sed  iubet  eos  interfici.  Tale  exemplum  vix  reperietur  in  historiis,  sed  causa  semper  notanda  est,  quod  scilicet  turbulento  fuerit  animo,  quia  volebat  Deus  servum  suum  Danielem  proferre  in  medium,  ut  esset  omnibus  spectabilis.  Haec  autem  fuit  praeparatio,  quod  innotuit  omnibus,  et  palam  factum  est,  sapientes  Babylonis  deprehensos  fuisse  vanos,  qui  scilicet  plus  promiserant,  quam  praestando  essent:  deinde  etiam  si  praediti  essent  maxima  scientia,  tamen  destitui  hoc  dono  revelationis,  quo  pollebat  Daniel.  Hinc  ergo  factum  est,  ut  rex  edicto  suo  eos  omnes  morti  addixerit.  Fieri  etiam  potest,  ut  tunc  agnoverit  quod  nunquam  antea  animadverterat,  nempe  in  illorum  iactantia  multam  esse  vanitatem,  et  in  tota  eorum  arte  multas  esse  praestigias.  Ergo  ubi  superstitio  successu  caret,  statim  emergit  rabies.  Et  videmus  eos  qui  censentur  admodum  devoti  (ut  loquuntur  vulgo),  ubi  intelligunt  sibi  nihil  prodesse  fictitios  suos  cultus,  tunc  erumpere  in  illam,  quam  dixi,  rabiem,  et  maledicere  suis  idolis,  et  detestari  quidquid  hactenus  sequuti  sunt.  Sic  ergo  fieri  po-