35:569  569  SUR  LE  CANTIQUE  D'EZECHIAS.  570  de  sa  faveur,  il  nous  ouvre  la  bouche,  comme  il  est  dit  au  Pseaume  cinquante  et  unieme:  Seigneur  tu  m'as  ouvert  ma  bouche,  et  pourtant  ie  chanteray  tes  cantiques  :  et  en  d'autres  passages,  Seigneur,  tu  as  mis  un  cantique  nouveau  en  ma  bouche.  Par  cela  les  Prophetes  signifient,  quand  Dieu  les  a  esiouis  en  les  delivrant  de  quelque  mal,  que  par  ce  moyen  il  les  a  exhortez  a  chanter  ses  louanges  et  benir  son  Nom,  et  avoir  souvenance  de  ses  graces.  Ainsi  donc  quand  nous  n'apprehendons  que  toute  frayeur  en  Dieu,  nous  sommes  comme  eslourdis:  et  voyla  la  porte  fermee,  tellement  que  nous  ne  pouvons  point  louer  Dieu.  Ainsi  Ezechias  en  ce  passage,  disant  que  les  morts  ne  loueront  point  Dieu,  n'entend  pas  en  general  tous  ceux  qui  decedent  de  ceste  vie  transitoire,  mais  ceux  qui  sont  comme  retranchez  de  Dieu,  et  qui  sont  accablez  de  son  ire,  et  qui  ne  goustent  plus  aucunement  sa  bonte,  et  sont  desnuez  et  alienez  de  toute  esperance  de  salut.  Il  est  donc  impossible  que  ceuxla  louent  Dieu.  Il  y  a  encores  un  autre  poinct  a  noter.  Car  quand  les  fideles  sont  detenuz  et  opprimez  de  quelque  destresse,  ils  ne  voyent  quasi  goutte  sinon  en  leur  mal,  et  chacun  Pexperimente  par  trop  en  soy.  Quand  un  mal  nous  a  du  tout  abbatus,  nous  ne  pouvons  pas  applicquer  nos  sens  a  autre  chose,  car  nous  sommes  la  retenus  comme  en  une  prison  estroite.  Ainsi  donc  en  a  este  Ezechias.  Comme  aussi  quand  il  est  dit  au  Pseaume  octantehuitieme,  C'est  une  terre  d'oubli  que  l'estat  des  trespassez,  on  ne  scait  la  que  c'est  de  Dieu:  il  semble  bien  que  ce  soit  un  blaspheme.  Mais  ces  facons  de  parler  procedent  de  la  rudesse  et  infirmite  des  hommes,  ascavoir  d'autant  qu'ils  ne  peuvent  pas  se  recueillir,  pour  iuger  d'un  sens  rassis,  et  avoir  une  cognoissance  bien  distincte  et  bien  digeree:  mais  le  mal  les  presse  et  les  transporte  tellement,  qu'ils  parlent  comme  a  la  volee  et  en  confus.  Voyla  Iob  qui  dit  que  les  hommes  estans  retirez  de  ce  monde  n'ont  plus  nulle  solicitude,  que  chacun  est  en  repos  comme  s'il  y  avoit  un  meslinge  confus,  que  le  valet  et  le  maistre  sont  tout  un,  et  que  les  tyrans  alors  ne  donneront  plus  d'effroy.  ll  parle  de  l'estat  des  trepassez,  comme  si  la  mort  estoit  pour  abolir  tout.  Toutesfois  ce  n'est  pas  qu'il  eust  ce  iugement-la:  mais  c'est  que  sa  tristesse  ne  luy  permettoit  point  de  parler  comme  un  homme  qui  est  en  repos:  car  il  avoit  este  agite  d'inquietude  telle,  que  ses  propos  estoyent  esgarez.  Ainsi  en  pouvons-nous  estimer  d'Ezechias.  Il  ne  parle  point  de  l'estat  et  condition  des  trespassez,  comme  l'Escriture  nous  enseigne.  Et  pourquoy?  Sa  tristesse  et  l'horreur  qu'il  concoit  dominoyent  tellement  en  luy  qu'il  ne  scait  ou  il  en  est.  Il  est  vray  que  cela  n'est  point  a  excuser:  et  voyla  aussi