32:569  569  SUR  LE  PSEAUME  CXIX.  570  vertu  de  son  sainct;  Esprit,  afin  que  nous  estans  fortifiez  par  sa  grace,  ne  donnions  nul  accez  a  Satan,  a  ce  qu'il  puisse  rien  gagner  sur  nous:  mais  que  nous  perseverans  constamment  en  la  saincte  vocation  de  ce  bon  Dieu,  poursuyvions  nostre  course  iusqu'a  tant  qu'il  nous  ait  retirez  de  ce  monde  pour  nous  introduire  en  cest  heritage  immortel,  qui  nous  est  appreste  devant  la  creation  du  monde,  et  lequel  Iesus  Christ  nous  a  acquis  par  son  precieux  sang.  Que  non  seulement  il  nous  face  ceste  grace,  mais  aussi  a  tous  peuples  et  nations  de  la  terre,  etc.  H  U  I  T  I  E  M  E  SERMON.  Du  Dimanche  26.  iour  de  Fevrier,  1553.  H  u  i  t  i  e  m  e  H  u  i  c  t  a  i  n  .  HETH.  O!  Seigneur  qui  es  ma  portion,  Pay  propose  tes  paroles.  Tay  supplie  ta  face  de  tout  mon  coeur:  ayes  donc  mercy  de  moy  selon  ta  promesse.  I'ay  considere  mes  voyes,  et  ay  tourne  mes  pieds  vers  tes  tesmoignages.  Ie  me  suis  haste,  et  n'ay  point  differe  de  garder  tes  commandemens.  Les  bandes  des  meschans  m'ont  pille:  mais  ie  riay  point  oublie  ta  Loy.  le  me  leve  a  minuict  pour  te  rendre  graces,  a  cause  de  tes  iustes  iugemens.  Ie  m"accompagne  de  tous  ceux  qui  te  craignent  et  gardent  tes  commandemens.  Seigneur,  la  terre  est  pleine  de  ta  benignite:  enseigne  moy  donc  tes  ordonnances.  Ce  Huictain-cy  ne  contient  que  des  protestations  que  fait  David  de  s'adonner  du  tout  a,  Dieu,  et  d'adherer  a  sa  parole:  excepte  qu'il  y  a  deux  requestes  au  second  verset,  et  au  dernier.  Or  (en  premier  lieu)  il  dit  que  son  bien  souverain,  et  sa  felicite  a  este,  de  ce  qu'il  s'est  resolu  de  garder  les  paroles  de  Dieu.  Il  est  vray,  qu'aucuns  exposent  cecy,  que  David  appelle  Dieu,  Son  heritage.  Mais  quand  tout  sera  bien  regarde,  le  sens  est  tel,  qu'il  constitue  la.  tout  son  heur,  de  ce  qu'il  se  delibere,  et  qu'il  est  tout  resolu  (comme  desia  nous  avons  dit)  de  suyvre  ce  que  Dieu  luy  monstre,  et  luy  enseigne.  Or  le  mot  de  Portion  en  l'Escriture,  se  prend  pour  Heritage:  et  l'heritage  se  prend  pour  la  chose  la  plus  desirable  que  l'homme  ait.  Et  ainsi,  c'est  comme  si  David  disoit,  Qu'un  chacun  se  partisse  comme  il  voudra.  Comme  nous  voyons  les  cupiditez  des  hommes  estre  diverses,  que  l'un  tire  d'un  coste,  l'autre  de  l'autre.  Et  bien  (dit-il)  qu'un  chacun  souhaitte  a  sa  fantasie,  mais  quant  a  moy,  ie  ne  veux  avoir  autre  heur  ny  autre  bien,  sinon  de  me  tenir  a  la  parole  de  Dieu,  i'auray