25:569  569  COMMENTARIUS  IN  IOSUE  CAP.  XXIV.  570  riam  in  archivis  reconderet.  Nec  dubium  est  quum  lex  recitabatur,  quin  accesserit  huius  quoque  foederis  promulgatio.  Verum  quia  saepe  quod  scriptum  est  in  libris  clausis  delitescit,  aliud  memoriae  subsidium  statuitur,  quod  semper  in  omnium  oculis  exstet,  nempe  lapis  sub  quercu  prope  sanctuarium.  Non  quod  perpetua  illic  fuerit  arcae  statio  :  sed  quia  illic  locata  fuit,  ut  coram  Deo  apparerent.  Itaque  quoties  se  coram  Deo  sistebant,  in  eorum  conspectu  versatum  fuit  testimonium  vel  memoriale  percussi  foederis,  quo  melius  in  fide  retinerentur.  Quod  lapidem  dicit  verba  Iehovae  audiisse,  hyperbolica  quidem,  sed  non  inepta  loquutio  est  ad  exprimendam  sermonis  Dei  efficaciam  et  virtutem,  ac  si  dictum  esset,  pernetrare  in  saxa  mortua,  et  lapides:  ut  si  homines  surdi  sint,  in  omnibus  elementis  resonet  eorum  damnatio.  Mentiri  hic,  ut  alibi  saepe,  accipitur  pro  dolose  et  fallaciter  agere,  frustrari,  et  fallere  datam  fidem.  Quis  non  putaret  foedus  tam  bene  stabilitum  posteris  in  multas  aetates  firmum  ac  sanctum  fore?  Atqui  non  aliud  maxima  sollicitudine  profecit  Iosue,  nisi  ut  paucis  annis  vigeret.  29.  His  autem  gestis.  Honor  sepulturae  indicium  reverentiae  fuit,  quae  ipsa  pietatem  populi  testata  est.  Sed  utraque  parum  altas  habuit  radices.  Itaque  elogium  quo  insignitur  Iosue  post  mortem,  quum  vocatur  servus  Dei,  miseris  ac  perditis  omnem  excusationem  abstulit,  qui  Deum  mirabi-