32:568  Dieu  leur  soit  pour  cantique,  qu'elle  soit  pour  les  retirer  de  toutes  les  vanitez  et  dissolutions  qui  se  commettent.  Que  donc  ils  se  retiennent  en  ceste  bride.  Et  au  reste,  si  ceux  qui  sont  comme  parmy  les  deserts,  qui  n'ont  nulle  pasture  de  vie,  qui  voyent  mesme  beaucoup  de  scandales  dont  ils  pourroyent  prendre  occasion  d'estre  desbauchez,  et  corrompus  avec  les  autres:  si  ceux-la  n'ont  point  d'excuse,  mais  qu'il  leur  soit  commande  de  se  resiouir  en  Dieu  et  en  sa  Loy,  et  se  donner  courage,  prenans  les  saincts  cantiques  pour  s'exhorter  a  bien,    sera-ce  de  nous?  quand  nous  sommes  en  lieu  ou  la  cloche  sonne  pour  nous  appeler,  afin  que  nous  soyons  admonnestez  par  la  parole  de  Dieu,  afin  que  nous  soyons  instruits  pour  invoquer  son  Nom  et  faire  confession  de  nostre  foy?  Quand  donc  Dieu  nous  appelle  a  son  escole,  qu'il  a  la  bouche  ouverte,  afin  que  nous  soyons  instruits  de  luy,  ie  vous  prie,  ne  serons-nous  pas  plus  que  condamnables,  quand  nous  ferons  tout  au  rebours  de  ce  que  David  proteste  yci?  Comme  on  en  verra  beaucoup  qui  ne  se  peuvent  point  resiouir,  sinon  quand  ils  feront  la  sourde  aureille  a  Dieu:  et  s'ils  viennent  au  sermon,  c'est  seulement  pour  ouir  sentence  de  condamnation  sur  eux.  Car  quelque  chose  qu'on  leur  dise,  et  qu'on  leur  mette  en  avant  pour  les  reduire  au  droit  chemin  ils  auront  tantost  mis  tout  cela  en  oubly.  Et  ainsi,  ne  faut-il  pas  que  tels  esprits  soyent  transportez  d'une  merveilleuse  rage?  o!  il  est  bien  certain.  Et  pourtant,  retenons  la  conclusion  que  fait  yci  David,  qu'il  a  eu  memoire  de  la  Loy  de  Dieu  iusques  a  la  fin.  Comme  s'il  disoit,  Voyla  qui  est  cause  qu'estant  un  povre  homme  vagabond,  et  reiette  du  temple,  et  chasse  de  mon  pays,  toutes  fois  ie  n'ay  pas  laisse  de  m'appuyer  sur  toy.  Et  puis,  estant  assailly  des  incredules,  i'ay  persevere  en  la  consideration  de  ta  Loy,  et  m'y  suis  resiouy.  Ainsi  donc  nous  en  faut-il  faire,  que  si  nous  voyons  beaucoup  de  scandales,  et  beaucoup  de  choses  qui  noua  pourroyent  divertir  et  destourner  de  la  doctrine  de  Dieu,  que  nous  surmontions  tout  cela  en  vertu  des  promesses  que  Dieu  nous  a  donnees,  que  par  icelles  nous  soyons  confermez  en  son  amour  et  en  sa  bonte,  et  que  nous  ne  tombions  point  en  une  telle  confusion  en  laquelle  nous  voyons  que  les  meschans  tombent  iournellement,  et  ou  ils  se  mettent  Suyvant  ceste  saincte  doctrine  nous-nous  prosternerons  devant  la  face  de  nostre  bon  Dieu  en  cognoissance  de  nos  fautes.  Le  prians  qu'il  luy  plaise  nous  faire  mieux  sentir  quel  goust  nous*  devons  prendre  en  ses  sainctes  promesses,  et  que  pour  estre  exercez  en  icelles,  nous  combattions  vaillamment  contre  les  vices  qui  nous  pourroyent  empescher  de  nous  appuyer  sur  sa  protection,  que  nous  surmontions  tous  scandales,  et  toutes  fascheries  par  la