25:568  asportasse  ex  Aegypto  spurcitias,  quae  hostilis  inter  Deum  et  ipsos  dissidii  causa  forent.  Sensus  ergo  simplex  est,  renuncient  omnibus  idolis,  ac  se  abdicent  omni  profanatione,  quo  solum  Deum  pure  colant.  Nam  et  huc  tendit  particula.  Ut  inclinent  cor  ad  Iehovam,  quod  tantundem  valet  atque  in  eo  acquiescere,  vel  ita  adiicere  animum  ad  eius  amorem  ut  eo  solo  oblectentur,  ac  contenti  sint.  25.  Percussit  itaque  Iosue  foedus  cum  populo  in  die  illa:  et  proposuit  ei  praeceptum  et  iudicium  in  Sechem.  26.  Scripsit  Iosue  verba  ista  in  libro  legis  Dei:  tulit  quoque  lapidem  magnum,  statuitque  eum  ibi  subter  quercum,  quae  erat  in  sanctuario  Iehovae.  27.  Dixitque  Iosue  ad  universum  populum:  En  lapis  iste  erit  nobis  in  testimonium:  ipse  enim  audivit  omnia  verba  Iehovae  quae  loquutus  est  nobiscum,  eritque  contra  vos  in  testimonium,  ne  forte  mentiamini  contra  Deum  vestrum.  28.  "Remisitque  Iosue  populum,  quemlibet  in  haereditatem  suam.  29.  His  autem  gestis,  mortuus  est  Iosue  filius  Nun  servus  Iehovae  centum  et  decem  annorum.  30.  Sepelieruntque  eum  in  termino  haereditatis  eius  in  Thimnatserah,  quae  est  in  monte  Ephraim  ad  aquilonem  Gaas.  31.  Servivitque  Israel  Iehovae  cunctis  diebus  Iosue,  cunctisque  diebus  seniorum  qui  diu  vixerunt  post  Iosue,  quique  noverant  omne  opus  Iehovae  quod  fecerat  ipsi  Israel.  32.  Ossa  autem  Ioseph  quae  detulerant  filii  Israel  ex  Aegypto,  sepelierunt  in  Sechem,  in  parte  agri  quam  acquisierat  Iacob  a  filiis  Hamor  patris  Sechem  centum  nummis,  et  fuerunt  filiis  Ioseph  in  possessione  sua.  33.  Porro  Eleazar  filius  Aharon  mortuus  est,  et  sepelierunt  eum  in  Gibeath  Phinees  filii  eius,  qui  datus  fuit  Uli  in  monte  Ephraim.  25.  Percussit  itaque.  Hic  locus  quem  in  finem  indictus  fuerit  conventus  demonstrat,  ut  populus  scilicet  renovato  foedere  Deo  esset  addictior,  sanctiusque  obstrictus.  Itaque  in  hac  pactione  Iosue  tanquam  internuncius  Dei  fuit,  utpote  qui  eius  nomine  fidem  et  obedientiam  stipulatus  est  a  populo.  Ita  secundum  membrum  exegetice  additur,  proposuisse  illis  praeceptum  et  iudicium.  Sensum  enim  depravant  ac  pervertunt  qui  has  voces  exponunt  de  novo  aliquo  sermone  Iosue:  quum  de  lege  Mosis  proprie  accipi  debeant,  ac  si  dictum  esset,  Iosue  nihil  aliud  pepigisse,  quam  ut  manerent  firmi  in  lege  servanda,  nec  alia  capita  foederis  prolata  fuisse  in  medium:  sed  tantum  in  ea  quam  ante  amplexi  et  professi  erant  doctrina  fuisse  confirmatos.  Sicuti  etiam  Malachias,  ut  eos  contineat  sub  iugo  Dei,  non  aliud  flagitat,  quam  ut  memores  sint  legis  per  Mosen  traditae  (Mala.  4,  4).  26.  Scripsit  Iosue.  Authenticum  illud  volumen  intellige  quod  custodiebatur  iuxta  arcam  foederis:  ac  si  publicas  tabulas  ad  perpetuam  memo-