20:568  4256.  STURMIUS  CALVINO.  Literae  commendatitiae.  (Ex  autographo  Cod.  Goth.  404,  fol.  806.)  Clarissimo  viro  D.  Ioanni  Calvino  suo  summo  et  veteri  amico.  S.  P.  Qui  tibi  has  reddidit  diu  eo  sum  usus  famulo.  Studuit  etiam  nobiscum  tota  superiore  hyeme  et  vere,  et  mansisset  nobiscum  diutius  si  rationes  eius  ob  paupertatem  ferrent.  Vir  bonus  est  et  studiosus  religionis  et  evangelii.  Istuc  venit  ea  spe  ut  apud  vos  aliquam  vitae  conditionem  inveniat.  Qua  in  re  ut  ei  adsis  te  etiam  atque  etiam,  mi  Calvine,  rogo.  Ego  pro  eius  fide  et  integritate  spondere  audeo.  Existimat  se  nondum  satis  esse  instructum  ad  concionandum.  Itaque  cupit  discipulos  sibi  aliquos  dari,  aut  pueris  in  scholis  praefici,  sperans  fore  ut  hoc  vitae  genere  se  magis  exerceat  ad  literarum  cognitionem  et  professionem  evangelii.  Sed  haec  ex  eo  ipse  cognosces  melius.  Quantum  ad  me  attinet,  rogo  ut  ei  ne  desis.  Vale.  Argentorati  4.  Maii.  Uxori  tuae  rogo,  ut  pro  me,  salutem.l)  I.  Sturmius.  4257.  STURMIUS  CALVINO.  Eespondet  ad  aliquam  Calvini  deperditam  et  agit  de  quodam  cuius  nomen  Bern  suppressit,  nescio  quo  pacto  sic  lectoribus  prospiciens.  (Ex  editione  Bezae  Gen.  p.  224,  Laus.  p.  473,  Hanor.  p.  530,  Ohouet  p.  305,  Amst.  p.  139.)  Quid  agas?  Homines  sunt.  Atqui  falsi  sumus.  Sed  nos  non  ut  de  hominibus  iudicavimus,  verum  ut  de  viris  sapientibus  speravimus:  neque  cogitavimus  nos  de  hominibus  iudicare  qui  in  remotis  ab  hominum  celebritate  atque  iudicio  montibus  habitant,  quibus  nihil  placet  nisi  patrium.  N.  omnino  fefellit.  Usque  adeo  (ptXoXov&yQog  est,  ut  vel  crepidas  eius  adorandas  putet.  Velim  N.  posse  ab  illis  avocari  4256.1)  Ergo  scripta  est  ante  a.  1549.