5:567  ACTES  DE  RATISBONNE.  cause,  nous  confessons,  qu'en  la  Cene  1e  corps  et  le  sqng  sont  vrayement  et  realement,  pour  estre  communiquez  a  ceux,  qui  la  receoyvent.  Comme  sainct  Hilaire  dict,  que  suyvant  le  tesmoignage  du  Seigneur  nous  trouvons,  que  la  nous  avons  vrayement  le  corps  et  le  sang  et  que  ces  choses  prinses,  font  que  Christ  soit  en  nous  et  nous  en  Christ.  Christ  donc  est  la  present  et  monstre  son  efficace  en  ceux  qui  usent  de  son  Sacrement.  Ce  Sacrement  a  trois  fins.  La  premiere  est,  qu'estans  admonestez  par  l'usaige,  nous  ayons  souvenance  de  la  mort  et  resurrection  de  Iesus  Christ:  et  que  les  ames  fideles  soyent  confortees,  recongnoissant  par  foy  que  le  filz  de  Dieu  a  souffert  pour  nous:  que  nous  sommes  lavez  et  purgez  de  son  sang,  que  nous  sommes  faictz  ses  membres  et  avons  paix  avec  Dieu,  a  cause  de  luy.  Par  ceste  foy  la  grace  nous  est  communiquee  au  Sacrement.  De  ceste  foy  parle  Christ  luy  mesme,  disant:  Faictes  cecy  en  memoire  de  moy.  Car  il  nous  instruict  d'avoir  souvenance  de  sa  passion  et  du  benefice  qu'il  nous  a  promis.  Et  ne  veult  pas  seulement  que  nous  ayons  memoire  de  l'histoire  :  mais  que  nous  facions  ces  benefices  nostres  par  l'usage  du  Sacrement.  [fol.  66]  La  seconde  fin  est  qu'en  usant  de  ce  Sacrement,  nous  rendions  continuellement  graces  a  Dieu,  pour  sa  misericorde  infinie  envers  nous,  et  de  ce  qu'a.  nous  a  donne  son  filz.  La  troisiesme,  qu'estans  faictz  tous  ensemble  membres  de  Christ,  nous  serons  induictz  a  nous  aymer  l'un  l'aultre.  Pourtant  dict  sainct  Paul  :  Comme  un  pain  est  de  plusieurs  grains,  ainsi  sommes  nous  tous  un  mesme  corps.  Or  en  matiere  de  Sacremens  il  fault  tousiours  tenir  ceste  reigle,  que  ce  sont  principallement  tesmoignages  de  la  volunte  de  Dieu  envers  nous,  ou  de  sa  grace.  Puis  les  aultres  fins  s'ensuyvent.  Nous  enseignons  aussi,  que  nul  n'est  capable  de  recevoir  ce  Sacrement,  cependant  qu'il  persevere  a  malfaire  contre  sa  conscience,  et  qu'on  ne  doit  admettre  ceux  qu'on  congnoist  estre  de  vie  meschante.  Nous  enseignons  donc  la  reigle  de  l'Apostre,  que  l'homme  s'esprouve  soymesme  et  ainsi  qu'il  mange  de  ce  pain.  Or  comme  Ireneus  dict,  que  l'Eucharistie  contient  deux  choses,  une  terrienne  et  l'aultre  celeste:  et  comme  sainct  Paul  dict  que  le  pain  que  nous  rompons,  c'est  la  participation  du  corps  de  Christ:  aussi  nous  enseignons  que  avec  le  pain,  quand  on  l'a  consacre,  le  corps  de  Iesus  Christ  est  donne  a  ceux  qui  le  receoyvent.  Et  ne  disons  pas,  qu'il  se  face  transsubstantiation,  comme  parlent  les  Docteurs  Sorboniques,  ou  que  la  substance  du  pain  soit  annichilee.  Et  en  cela  nous  suyvons  plusieurs  tesmoignages  des  Peres  anciens,  clers  et  certains.