40:567  567  PRAELECTIONES  568  illis  erat  propositum  decipere  regem.  Putabant  enim  sibi  aliquid  posse  statim  occurrere,  quod  liberaret  omni  cura  illius  animum.  Sed  rex  semper  prosequitur  caecum  illum  impetum  suae  saevitiae.  Ac  notanda  interim  est  prima  causa,  nempe  quia  torquetur  divinitus,  ut  non  possit  ad  momentum  unum  quiescere,  donec  obtineat  expositionem  somnii.  Postea  adiungit,  Si  non  exposueritis  mihi  somnium,  haec  una  stat  sententia,  inquit,  hoc  est,  de  vobis  omnibus  iam  decretum  est,  non  inquiram  sigillatim  quis  in  culpa  sit,  et  quis  velit  me  fraudare,  sed  ex8cindam  prorsus  omnem  stirpem  magorum:  denique  nemo  supplicium  effugiet,  nisi  exposueritis  mihi  tam  somnium  quam  eius  interpretationem.  Postea  adiungit-,  Praeparastis  fallacem  et  corruptum  sermonem,  ut  diceretis  hic  coram  me  quod  fert  vestra  excusatio.  Iterum  rex  illis  obiectat  fraudem,  et  malitiam,  cuius  tamen  non  erant  conscii:  quasi  diceret,  eos  data  opera  ad  fallendum  quaerere  speciosos  praetextus.  Sed  dicit,  sermonem  mendacem,  vel  fallacem,  et  corruptum  :  hoc  est,  vestra  ista  excusatio  est  putida,  quemadmodum  vulgo  loquimur,  Foetet  mihi:  si  quis  esset  color  ego  possem  admittere  quod  dicitis  :  sed  video  in  verbis  vestris  nihil  esse  praeter  fallacias,  et  fallacias  quae  sapiunt  suam  putredinem.  Nunc  ergo  videmus  non  tantum  regem  excandescere,  quod  magi  recusent  narrare  somnium,  sed  etiam  gravare  ipsos  maiori  crimine,  quod  scilicet  afferant  sermonem  putidum,  et  velint  quasi  ex  professo  illudere.  Postea  addit,  Somnium  narrate  mihi,  et  inde  cognoscam,  vel,  quo  inde  cognoscam  vos  posse  etiam  fideliter  interpretari  quid  contineat.  Hic  rex  aliud  argumentum  sumit,  quo  magos  astutiae  convincat:  Iactatis  vobis  non  difficilem  fore  interpretationem  somnii:  qua  fiducia?  nam  somnium  ipsum  vobis  est  adhuc  incognitum:  si  narrassem  vobis,  tunc  possetis  dicere,  si  quid  vobis  occurreret.  Sed  nunc  ego  interrogo  de  somnio,  quod  vos  latet,  et  me  ipsum:  dicitis,  ubi  somnium  narravero,  vobis  reliquum  esse  in  manu.  Ego  autem  cognoscam  vos  esse  bonos  et  dextros  interpretes  somniorum,  si  potestis  somnium  narrare,  quia  alterum  pendet  ex  altero:  et  vos  estis  nimium  temerarii,  quum  ita  praesumitis  quod  nondum  vobis  compertum  est.  Ubi  ergo  ita  festinanter  prorumpitis,  et  vultis  hoc  mihi  esse  persuasum,  interpretationem  vobis  fore  certam,  constat  vos  iterum  hac  in  parte  fallere:  et  hic  detegitur  vestra  temeritas  una  cum  fraude,  quia  scilicet  mihi  palam  illuditis.  Haec  est  summa.  Reliqua  in  crastinum  diem.  10.  Besponderunt  Chaldaei  coram  rege,  et  dixerunt,  Non  est  homo  super  terram,  qui  sermonem  (vel,  rem)  regis  posset  explicare:  propterea  nullus  rex,  princeps,  vel  praefectus  rem  consimilem  exquisivit  ab  ullo  mago  et  astrologo,  et  Chaldaeo.