35:567  567  QUATRIEME  SERMON  568  prise  et  ne  cognoisse  autre  bonte  de  Dieu,  sinon  quand  il  entretient  les  hommes  en  ceste  vie  caduque.  Or  si  nous  ne  regardons  qu'yci  bas,  nostre  foy  sera  bien  debile,  et  nous  scavons  que  nous  ne  vivons  a  autre  condition  sinon  pour  gouster  en  partie  la  bonte  de  Dieu,  afin  d'estre  attirez  plus  haut,  et  mesmes  d'estre  du  tout  ravis  a  la  vie  celeste.  Il  semble  donc  qu'Ezechias  soit  trop  addonne  au  monde,  et  que  mesmes  il  n'ait  nulle  apprehension  du  Royaume  spirituel  de  Dieu.  Car  en  disant  que  le  sepulchre  ne  peut  louer  Dieu,  ne  ceux  qui  sont  trespassez,  ii  semble  qu'il  n'ait  autre  regard  qu'a  ceste  vie  presente.  Et  nous  scavons  qu'il  est  dit  en  premier  lieu,  que  Dieu  veut  estre  glorifie  en  nostre  mort  aussi  bien  qu'en  nostre  vie.  Et  S.  Paul  pour  ceste  cause  dit  qu'il  ne  luy  chaut  soit  de  vivre,  ou  de  mourir,  moyennant  que  la  gloire  de  Dieu  en  soit  tousiours  avancee.  Il  semble  bien  qu'il  y  ait  grande  diversite  entre  S.  Paul  et  Ezechias:  car  l'un  fuit  la  mort,  et  l'ha  en  horreur,  alleguant  que  les  trespassez  ne  loueront  point  Dieu:  l'autre  dit,  ce  m'est  tout  un  que  ie  vive  ou  que  ie  meure:  car  Dieu  sera  tousiours  glorifie  en  moy.  Et  si  nous  regardons  a  l'estat  des  trespassez,  selon  qu'ils  sont  retirez  du  monde,  et  que  Dieu  les  a  approchez  de  soy,  il  semble  bien  qu'ils  soyent  plus  disposez  et  plus  alaigres  a  benir  son  Nom.  Car  cependant  que  nous  sommes  yci  appesantis  en  ceste  prison  de  nostre  corps,  nous  ne  pouvons  pas  ouvrir  la  bouche  a  demi  (par  maniere  de  dire)  pour  louer  Dieu:  nous  n'y  allons  pas  d'un  si  franc  courage  ne  d'une  ardeur  si  vehemente  comme  il  seroit  requis.  Or  les  morts  ne  sont  pas  ainsi  empeschez,  ils  ne  sont  pas  comme  nous  absens  de  Dieu  (ainsi  que  S.  Paul  en  parle  en  la  seconde  des  Corinthiens)  ils  peuvent  donc  tant  mieux  s'accorder  avec  les  Anges  de  paradis  en  ceste  melodie.  Et  nous  scavons  ce  qui  est  dit  des  Anges  (comme  aussi  nous  l'avons  veu  au  sixieme  chapitre)  qu'incessamment  ils  crient,  Benit  soit  le  Seigneur  des  armees,  le  Sainct,  le  Sainct,  le  Sainct.  Selon  donc  que  nous  pouvons  iuger,  ceux  que  Dieu  a  retirez  de  ceste  vie  caduque  doyvent  mieux  estre  appareillez  a  louer  son  Nom.  Mais  notons  en  premier  lieu  qu'Ezechias  a  yci  regarde  pourquoy  Dieu  nous  a  mis  au  monde,  et  pourquoy  il  nous  y  entretient.  Il  ne  demande  aucune  recompense  de  nous:  il  n'est  pas  comme  un  homme  qui  mettra  des  serviteurs  en  sa  maison:  car  c'est  pour  faire  valoir  ses  terres,  et  en  avoir  le  profit.  Ce  n'est  pas  aussi  comme  un  grand  prince  lequel  demandera  d'avoir  beaucoup  de  subiets,  car  ii  en  sera  maintenu,  et  au  besoin  il  en  aura  secours.  Mais  Dieu  ne  pretend  nul  avantage  de  nous,  comme  aussi  il  n'en  ha  nul  besoin,  seulement  il  veut  que  nous  luy  facions  hommage  de