32:567  567  SEPTIEME  SERMON  568  c'est  signe  qu'il  n'y  a  ne  zele  ny  affection  en  nons.  Et  en  cela  monstrons  nous  que  Dieu  ne  nous  doit  point  tenir  pour  ses  enfans:  car  il  nous  doit  souvenir  de  ce  qui  est  escrit.  Le  zele  de  ta  maison  m'a  mange,  et  les  opprobres  qui  t'ont  este  faits  (o  Dieu)  sont  retournez  sur  moy.  Quand  donc  nous  verrons  que  le  nom  de  Dieu  sera  vili  pende,  que  nous  verrons  les  meschans  se  ietter  hors  des  gons,  en  sorte  que  la  Loy  de  Dieu  ne  leur  sera  plus  rien:  il  n'est  pas  question  de  dissimuler  la,  d'estre  muets,  et  faire  semblant  de  rien:  mais  si  nous  sommes  serviteurs  de  Dieu,  il  nous  convient  non  seulement  estre  touchez,  mais  aussi  d'estre  saisis  d'horreur,  que  nous  soyons  comme  perdus  en  nous-mesmes  voyans  une  telle  abomination,  qu'il  salle  que  le  Nom  de  Dieu  soit  ainsi  mesprise  par  les  creatures.  Or  pour  conclusion  David  dit,  Que  les  statuts  de  Dieu  luy  ont  este  pour  chansons  de  repos  au  lieu  de  ses  pelerinages.  C'estoit  encores  une  autre  tentation  grande  a  David  que  ceste-cy,  qu'il  ait  falu  que  pour  un  temps  il  ait  este  de  chasse  du  pays  de  Iudee,  qu'il  ait  este  eslongne  du  temple  de  Dieu,  et  qu'il  ait  demoure  entre  les  payens  et  incredules.  Or  il  dit,  que  nonobstant  cela,  qu'il  ne  s'est  point  aliene  de  Dieu,  ne  de  la  cognoissance  de  salut:  mais  au  contraire,  qu'il  s'est  d'autant  plus  incite  a  chanter  les  louanges  de  Dieu,  les  Pseaumes  que  Dieu  luy  mettoit  en  la  bouche:  voire  et  lesquels  estoyent  tirez  de  la  Loy.  Car  nous  avons  a  noter,  que  David  n'a  point  compose  les  Pseaumes  comme  une  doctrine  nouvelle,  comme  une  doctrine  qui  fust  separee  de  celle  de  la  Loy:  mais  il  les  a  puisez  de  la  comme  de  la  fontaine.  Ainsi  donc,  ce  n'est  point  sans  cause  qu'il  proteste  yci,  que  les  statuts  de  Dieu  luy  ont  este  pour  Pseaumes  et  pour  chansons,  voire  au  lieu  de  ses  pelerinages,  c'est  a  dire  en  pays  estrange  au  milieu  des  incredules,  quand  il  estoit  comme  banny  de  l'Eglise,  qu'il  ne  pouvoit  pas  assister  au  temple,  pour  faire  confession  de  sa  foy,  que  neantmoins  il  ne  s'est  point  desbauche  pour  cela.  Or  yci  ceux  qui  vont  et  viennent  sont  admonestez  de  leur  office.  Combien  qu'ils  voyent  beaucoup  d'enormitez  qui  se  commettent  au  monde,  que  neantmoins  ils  se  maintiennent  tousiours  en  la  crainte  de  Dieu,  et  qu'ils  cheminent  en  pure  conscience,  encores  qu'ils  soyent  meslez  parmy  les  incredules,  Comme  mesmes  voyla  les  Chrestiens  qui  sont  en  la  Papaute,  combien  qu'ils  soyent  la  captifs,  combien  qu'ils  n'ayent  nulle  doctrine,  qu'ils  n'ayent  point  liberte  de  servir  a  Dieu  publiquement  et  faire  confession  de  leur  foy  comme  ils  voudroyent:  si  ne  faut-il  point  qu'ils  se  desbordent  avec  les  autres  en  ces  villainies  qui  y  regnent,  mais  qu'ils  se  conforment  le  mieux  qu'ils  pourront  a  la  parole  de  Dieu,  qu'ils  y  prenent  tout  leur  plaisir,  et  que  la  Loy  de