20:567  567  EPISTOLAE  4255.4259  568  praestantiores  -igitur  sumus  nos.  Mihi  crede,  non  est  cohaeres  diabolis  qui  Christi  regnum  hoc  et  gratiam  eius  nobis  factam  extollit.  Regenerationem  a  baptismo  tu  longe  separare  conaris  et  tantum  dicis  baptismum  esse  signum  adoptionis.  Ego  cum  Paulo  dico  esse  lavacrum  regenerationis  et  renovationis  spiritus  nos  salvans.  Si  baptismus  est  lavacrum  regenerans,  ea  ipsa  lotio  ex  aqua  et  spiritu  sancto  est  regeneratio.  In  tertia  quaestione  mire  te  involvis.  Fateris  parvulos  omnes  nasci  filios  irae,  maledictionem  tolli  per  gratiam,  gratiam  esse  per  fidem,  et  in  eis  non  esse  fidem.  Omnes  qui  ex  progenie  sunt  Abrahae  ais  nasci  filios  Dei,  et  dicis  te  non  esse  tam  crassum  ut  credas  esse  filios.  Ego  autem  dico  etiam  praedestinatos  in  filios  Dei  nasci  cum  Paulo  filios  irae,  licet  ratione  boni  propositi  Dei  dicere  possis  eos  ab  utero  vocatos  filios.  Olim  quoque  in  carnali  foedere  parvuli  carnis  censebantur  filii:  nunc  illi  soli  sunt  filii  qui  per  fidem  fiunt  filii  Dei.  Et  ad  hos  solos  filios  extenditur  promissus  spiritus  vio&tafac,  quem  in  baptismo  dari  docet  Petrus,  qui  etiam  spiritus  ex  auditu  fidei  est  teste  Paulo.  Si  Iohannis  Baptistae  exemplum  tibi  baptismum  probat,  baptiza  pueros  in  utero  matris.  Nec  deerunt  tibi  exempla  multorum  qui  in  utero  sanctificati  sunt.  Ad  eundem  modum  ex  certis  exemplis  tua  de  promissionibus  generalia  commenta  fingis.  Ais  enim  neminem  sine  promissione  posse  iustificari.  Mirum  certe  quod  ita  tibi  placeas  et  verum  fidei  christianae  caput  dissimules.  Ex  solo  aspectu  Christi  miracula  facientis  mulier  Chananaea  vel  Caesarianus  aliquis  illi  credens  poterat  tunc  iustificari,  etiamsi  de  promissionibus  nihil  unquam  audisset.  Nam  Christus  factis  quoque  declarabat  se  esse  filium  Dei  et  id  credentes  salvabat  et  iustificabat,  etiamsi  essent  Scythae  nullam  promissionem  habentes.  Imo  ridiculum  si  quis  non  sit  Deo  crediturus  nisi  aliquid  ipse  promittat.  Possem  ad  hoc  tuum  dictum  explodendum  testimonia  et  exempla  iustificatorum  adducere  innumera,  tam  ante  tempus  legis  quam  tempore  legis  et  tempore  gratiae,  etiam  in  Ninive  et  in  insulis  novis.  Sed  quia  times  ne  sim  tibi  Satan,  finem  facio.  Remitte  igitur  scripta  mea  et  vale.  Si  vere  credis  papam  esse  Antichristum,  credes  quoque  trinitatem  et  paedobaptismum  ex  doctrina  papatus  esse  doctrinam  daemoniorum.  Iterum  vale.  *)  4255.1)  Fortassis  hae  literae  inter  Calvinum  et  Servetum  mutuae  ad  a.  1545  referendae  sunt,  quod  nisi  fallimur  ex  N.  766  elici  posse  videtur.