7:566  damur  ab  omni  peccato.  Itaque  quoties  aquam  corpus  abluentem  cernimus  foris:  toties  spiritum,  quem  non  cernimus,  intus  plus  operari  cogitemus.  Iam  formam  verborum,  sine  quibus  mysterium  hoc  confici  non  potest,  Christus  apostolis  tradidit,  quum  praeceperit  ut  in  nomine  patris,  et  filii,  et  spiritus  sancti  baptizarent  (Matth.  28,  19).  Huic  praecepto  Domini,  quoties^  baptismus  confertur,  et  fides  accipientis,  si  adultus  sit,  pro  infantibus  vero,  quum  suscipientium  eos  et  pro  ipsis  confitentium,  tum  totius  ecclesiae  fides  et  fungentis  ministri  verbum  innititur,  quatenus  hic  ait:  Ego  te  baptizo  in  nomine  [pag.  28]  patris,  et  filii,  et  spiritus  sancti.  Ac  nobis  quidem  videtur,  ad  excitandam  fidem  consolationemque  adultorum  vehementer  pertinere,  ut  intelligant,  qui  in  nomine  patris,  et  filii,  et  spiritus  sancti  baptisantur,  se  iam  potestate,  virtute  et  potentia  patris,  et  filii,  et  spiritus  sancti  consecrari  ac  sanctificari,  seque  totos  reconciliari  Deo,  et  iam  peculium  Dei  fieri,  qui  est  pater,  et  filius,  et  spiritus  sanctus:  in  cuius  tutelam  iam  transeunt,  seque  foedere  sempiterno  cum  Deo  iungunt,  quatenus  diabolo  eiusque  operibus  abrenunciant,  promittuntque  se  Deo  militaturos.  Quod  autem  ad  munus  baptizandi  attinet,  etsi  hoc  ad  sacerdotes  maxime  pertinet,  tamen  laicus  etiam  recte  et  utiliter  in  casu  necessitatis  baptizare  potest:  nec  si  haereticus  baptizaret,  dummodo  debita  materia,  forma  ac  intentione  utatur,  sacramentum  hoc  iterandum  est,  quum^  hoc  idem  nm  dignitate  ministri,  sed  veritate  verbi  divini  et  spiritus  sancti  virtute  constet.  Quanquam  autem  baptismus  aufert  omnia  inquinamenta  nostra  secundum  scripturas,  hic  tamen  non  omnem  vitiatae  naturae  languorem  aufert,  ut  supra  etiam  monuimus:  relinquit  enim  concupiscentiam  ad  malum  inclinantem,  reatu  ipso  sublato.  Concupiscentia  [pag.  29]  autem  illa  contra  bonum  in  homine  spiritum  pugnare  non  desinit,  quoad  in  hac  terra  vivimus  (Gal.  5,  17).  In  quo  tamen  ipsa  baptismi  virtus  nobis  non  deest,  ut  quae  non  solum  peccati  omnis  reatum  semel  ademit,  sed  contra  concupiscentiam  adhuc  haerentem  in  nobis  et  desideriorum  bella  cientem  firmat  vires  nostras  per  spiritum  sanctum  :  quo  ipso  ita  munimur  contra  omnem  concupiscentiae  vim,  ut  resistere  ei  ac  praevalere  possimus,  monente  apostolo:  Spiritu  ambulate,  et  desideria  carnis  non  perficietis  (Gal.  5,  16).  Hactenus  de  baptismo.  De  confirmatione.  Atque  ut  homini  ad  vitam  corporis  non  solum  necesse  est  ut  nascatur  ac  sit,  sed  etiam  ut  crescat  atque  nutriatur,  ita  eidem  ad  salutem  non  solum  necesse  est  regenerari,  verum  etiam  in  bono  confirmari,  et  per  virtutem  spiritus  sancti  augeri:  in  quam  rem  institutum  est  sacramentum  cum  primis  utile,  ipsa  n%-  36*