6:566  veu  que  ie  ne  leur  en  donne  point  occasion.  Ma  doctrine  est,  que  l'homme  fidele  se  doit  sanctifier  et  consacrer  a  [page  65]  Dieu,  tant  de  corps  que  d'esprit:  mais  que  l'esprit,  comme  le  principal,  aille  en  premier  lieu.  Qui  est  ce  qui  pourra  conclurre  de  cela,  que  ie  veuille  introduire  une  hypocrisie,  pour  payer  Dieu  de  mines?  Touchant  ce  qu'ilz  pretendent,  que  ce  soit  une  legiere  faute,  de  feindre  d'adorer  les  idoles  :  et  pourtant  qu'elle  doit  estre  facilement  pardonnee:  a  cela  ie  diz:  que  si  on  vient  a  faire  comparaison  des  commandemens  de  Dieu  de  l'un  a  l'autre:  que  lors  on  en  trouvera  bien  les  uns  plus  grans  et  les  autres  moindres,  comme  Iesus  Christ  dict,  que  les  principaux  articles  de  la  loy  sont  iustice,  iugement  et  loyaute.  Mais  quand  nous  les  considerons  chascun  a  part:  il  n'y  en  a  nul  qui  ne  nous  doive  estre  en  grand  poiz  et  estime.  Car  nous  scavons  ce  que  dict  Iesus  Christ  nostre  maistre:  Quiconqne  aura  viole  l'un  de  ces  petis  commandemens,  et  aura  ainsi  enseigne  les  hommes,  il  sera  de  nul  estime  au  Royaume  [page  66]  des  cieux  (Matth.  5,  19).  Qu'est  ce  d'enseigner  ainsi  les  hommes?  C'est  de  leur  faire  a  croire  qu'il  n'y  a  pas  trop  grand  mal  d'avoir  transgresse  quelque  commandement  de  Dieu,  comme  s'il  estoit  de  petite  importance,  et  ainsi  leur  lascher  la  bride  a  oser  mal  faire  en  diminuant  le  peche.  Si  celuy1)  qui  faict  un  commandement  de  Dieu  legier,  quelque  petit  qu'il  semble  a  nostre  sens,  est  ainsi  condamne:  que  sera  ce  de  ceux  qui  veulent  qu'on  dissimule  du  tout  quand  on  faict  a≫  l'encontre?  Et  de  faict,  si  nous  n'avons2)  le  iugement  trop  pervers  et  corrompu,  oserions  nous  ouvrir  la  bouche,  pour  dire  que  c'est  peu  de  chose,  que  d'estre  contrevenu  a  la  volunte  de  Dieu?  Car  puis  que  nostre  Seigneur  a  daigne  ouvrir  la  bouche  pour  parler  de  quoy  que  ce  soit:  n'est  ce  pas  bien  raison  que  toute  creature  soit  esmeue,  pour  escouter  en  crainte  et  diligemment  observer  ce  qu'il  dict?  Est  ce  a  nous  d'enquerir,  pourquoy  il  commande  ou  defend?  comme  si  sa  seule  volunte  [page  67]  ne  nous  suffisoit  point  pour  raison.  Or  afin  de  ne  nous  tromper  point:  ce  n'est  pas  seulement  a  la  chose  commandee  ou  defendue  qu'il  nous  faut  regarder,  mais  a  Dieu  qui  parle:  d'autant  que  nous  ne  pouvons  desobeir  a  sa  parolle,  sans  mespriser  sa  maieste.  C'est  donc  de  sa  grandeur  qu'il  faut  estimer  l'offense:  et  en  ce  faisant  elle  ne  nous  semblera  iamais  petite.  Pour  ceste  cause  dict  il  par  son  Prophete  Zacharie  (5,  3)  qu'il  envoye  un  1)  Denique  si  peccatum  extenuando  audaciores  ad  peccandum  hommes  reddat,  si  is,  qui  qualecunque  Dei  mandatum,  quamlibet  leve  in  speciem  videatur,  elevat  apud  homines,  tam  severo  iudicio  est  obnoxius,  quid  de  iis  fiet  etc.  2)  n'avions  1566  suiv.  36*