5:566  s'arrestera  la,  et  croira  l'article,  a  cause  de  la  parolle  de  Dieu,  invoquera  vrayement  le  Filz  de  Dieu,  lequel  il  ne  pourroit  invoquer,  si  la  foy  dependoit  d'authorite  humaine.  Ces  choses  sont  tresclaires.  Mais  cela  ne  se  peult  affermer,  que  ce  don  d'intelligence  et  interpretation  soit  par  devers  la  multitude  des  incredules:  combien  qu'icelle  soit  en  la  compagnie  exterieure  de  l'Eglise.  Beaucoup  moins  doit  on  attribuer  ce  don  a  gens  de  vie  meschante  et  desordonnee,  lesquelz  meriteroyent  pour  leurs  crimes  d'estre  excommuniez.  Mais  le  don  d'intelligence  et  interpretation  appartient  aux  fideles:  selon  ce  qui  est  dict:  Que  l'homme  sensuel  ne  comprend  point  les  choses  spirituelles.  Tiercement  il  fault  concorder  a  l'Eglise  authorite  de  constituer  iugementz  touchant  la  doctrine.  Mesme  c'est  le  commandement  de  Dieu  que  les  Eglises  congnoissent  des  controversies,  qui  s'esleveront  et  en  iugent  selon  la  parolle  de  Dieu  bien  entendue.  Comme  dit  S.  Paul:  Si  quelqu'un  vous  annonce  aultre  Evangile,  qu'il  vous  soit  mauldict.  Et  en  cela  les  Eglises  se  peuvent  ayder  des  tesmoignages  de  la  premiere  Eglise  universelle,  qui  seront  mesme  procedez  des  Apostres.  Car  c'est  ce  que  nous  appellons  consentement  universel.  Mais  il  fault  tousiours  que  l'authorite  de  la  parolle  de  Dieu  aille  devant.  Pourtant  quand  on  iuge  selon  la  parolle  de  Dieu  droictement  entendue,  il  fault  que  tous  obeissent.  Comme  aucuns  saincte  Conciles  ont  pronunce.  L'Eglise  donc  obtempere  a  telz  iugemens  pource  que  les  rudes  par  ce  moyen  recongnoissent  mieux  les  sentences  couchees  en  la  parolle  de  Dieu:  et  soyent  confermez  tant  par  la  parolle  de  Dieu,  que  estans  instruictz  des  tesmoignages  de  l'Eglise  [fol.  65]  universelle  lesquelz  on  lit  estre  venuz  des  Apostres.  Ainsi  noz  Eglises  nous  escoutent  contre  les  Anabaptistes  et  aultres  heretiques.  Or  pource  qu'il  peult  advenir,  qu'il  y  aye  plusieurs  personnages  meschans  en  un  Concile:  comme  on  lit  du  Concile  de  Syrme:  ia  soit,  qu'il  y  en  ayt  aucuns  bons  et  fideles:  comme  estoit  la  un  Evesque  d'Espaigne  nomme  Osius,  il  fault  confesser,  que  les  Conciles  tant  generalz  que  provincialz  ont  erre  et  peuvent  errer.  Mesmes  les  fideles  ont  leurs  faultes,  comme  monstrent  beaucoup  de  sentences  des  Docteurs  anciens,  lesquelles  ne  sont  pas  fort  propres.  Du  Sacrement  du  corps  et  du  sang*  de  nostre  Seigneur.  O  Iesus  Christ  dit:  Prenez,  mangez:  cecy  est  mon  corps.  Et  apres:  Cecy  est  mon  sang.  A  ceste  1)  Lettre  B.  Voyes  ci-dessus  page  541.  36*