48:566  auspiciis  non  minus  fortiter  et  intrepide  militavit  quam  si  ingentes  copias  secum  in  proelium  duxisset*  Verum  tunc  quoque  ad  eum  incitandum  profuit  huius  occursus  memoria,  quum  reputaret  multos  esse  pios  fratres  Romae,  sed  infirmos,  quibus  fulciendis  missus  foret.  In  praesentia  vero  non  est  quod  miremur  Paulum  visis  fratribus  sumpsisse  fiduciam,  quod  fidei  confessionem  speraret  non  parum  fructuosam  fore.  Quoties  enim  aliquem  servis  suis  laboris  profectum  Deus  ostendit,  quasi  admoto  stimulo  eos  incitat,  ut  animosius  in  opere  pergant.  16.  Centurio  tradidit  vinctos.  Significat  Lucas  plus  datum  esse  Paulo  quam  reliquis.  Diversa  enim  fuit  et  peculiaris  eius  conditio.  Permissum  enim  illi  fuit  cum  uno  custode  adiuncto,  in  privatis  aedibus  habitare:  quum  alii  in  publicam  custodiam  inclusi  fuerint.  Nam  ex  Festi  relatu  cognovit  praefectus  praetorio,  nulli  maleficio  affinem  esse  Paulum.  Et  centurio,  ut  probabile  est,  fideliter  retulit  quae  ad  conciliandum  illi  favorem  valerent.  Sciamus  tamen  Deum  e  coelo  moderatum  esse  servi  sui  vincula:  non  solum  ut  eius  molestias  levaret,  sed  ut  fidelibus  liberior  foret  ad  eum  accessus.  Neque  enim  fidei  eius  thesaurum  intra  carceris  angustias  constrictum  teneri  voluit,  sed  palam  expositum,  ut  longe  lateque  multos  ditaret.  Caeterum  non  ita  laxatus  fuit  Paulus  in  liberam  custodiam,  quin  semper  catenam  gestaret.  SxpaxoTCeSapxTjv  vocat  Lucas  praefectum  praetorio,  cuius  illud  officium  fuisse  ex  historiis  satis  notum  est.  17.  Post  tertium  autem  diem.  Mira  certe  Pauli  mansuetudo,  quod  tam  atrocibus  iniuriis  vexatus  a  sua  gente,  Iudaeos  tamen  qui  Romae  sunt  placare  studet  seque  illis  excusat,  ne  causam  oderint,  propterea  quod  audiant  sacerdotes  illi  esse  infestos.  Iusta  certe  apud  homines  excusatio  non  deerat,  si  neglectis  illis  ad  gentes  se  converteret.  Nam  quum  per  annos  complures  assidue  in  variis  locis  tentasset  eos  ad  Christum  adducere,  magis  ac  magis  exacerbati  fuerant:  et  tamen  nihil  omiserat  nec  in  Asia,  nec  in  Graecia,  nec  denique  Ierosolymae,  ad  mitigandum  eorum  furorem.  Iure  ergo  illi  omnes  veniam  dedissent,  si  quiescere  passus  esset  quos  deploratae  pervicaciae  toties  expertus  fuerat.  Sed  quia  magistrum  suum  esse  Iudaeis  ministrum  datum  a  patre  sciebat,  ad  promissiones  implendas  quibus  Abrahae  semen  Deus  sibi  in  populum  adoptaverat:  in  illam  Dei  vocationem  respiciens,  nunquam  fatigatur.  Videbat  Romae  sibi  remanendum:  quum  docendi  libertas  daretur,  privari  eos  laboris  sui  fructu  nolebat.  Deinde  nolebat  causae  suae  odio  ad  turbandam  ecclesiam  impelli:  quia  minima  occasio  magnam  perniciem  datura  erat.  Cavere  ergo  voluit  Paulus,  ne  pro  solita  sua  rabie  pessimi  incendii  faces  essent.  Nihil  fecerim  adversus  populum.  Haec  duo  con-  36*