35:566  le  prians  que  de  plus  eo  plus  il  nous  les  face  sentir:  et  que  ce  soit  pour  nous  humilier  en  telle  sorte  que  venans  a  luy  nous  n'apportions  sinon  une  pure  et  simple  confession  de  nos  pechez:  et  que  cependant  il  nous  donne  un  tel  goust  de  sa  bonte  que  nous  ne  laissions  pas  de  recourir  a  luy,  encore  que  nos  consciences  nous  redarguent  et  nous  condamnent,  que  nous  embrassions  sa  grace  qu'il  nous  a  promise  au  nom  de  nostre  Seigneur  Iesus  Christ:  et  toutes  fois  et  quantes  qu'il  nous  la  fait  sentir  par  experience,  que  nous  en  scachions  faire  nostre  profit,  et  que  nous  soyons  tellement  munis  contre  toutes  tentations,  que  iamais  nous  ne  defaillions  sous  le  fardeau,  quelque  fascheux  et  pesant  qu'il  soit.  Que  non  seulement  il  nous  face  ceste  grace,  mais  a  tous  peuples  etc.  QUATRIEME  SERMON.  18.  Car  le  sepulchre  ne  te  chantera  point,  et  les  morts  ne  te  loueront  point,  et  ceux  qu'on  devalle  en  la  fosse  ne  s'attendent  point  a  ta  verite.  19.  Le  vivant,  le  vivant  chantera  de  toy,  comme  moy  auiourd'huy:  le  pere  fera  scavoir  ta  verite  a  ses  enfans.  20.  Le  Seigneur  est  pour  me  sauver:  et  nous  chanterons  tous  les  iours  de  nostre  vie  un  cantique  au  Temple  du  Seigneur.  21.  Isaie  dit,  Qu'on  prene  une  masse  de  figues:  qu9on  en  face  un  emplastre  sur  la  playe  et  il  sera  guari.  22.  Or  Ezechias  avoit  dit,  Quel  signe  auray-ie  que  ie  doyve  monter  en  la  maison  du  Seigneur?  Il  est  bien  certain  que  si  nostre  vie  estoit  reglee  comme  elle  doit,  nous  aurions  tousiours  ce  but  principal,  cependant  que  nous  sommes  au  inonde,  d'honorer  Dieu.  Et  aussi  c'est  bien  raison  d'applicquer  la  toute  nostre  estude,  puis  que  sans  fin  et  sans  cesse  nous  experimentons  tant  de  graces  qu'il  nous  fait.  Pour  ceste  cause  maintenant  Ezechias,  apres  avoir  cognu  que  Dieu  luy  avoit  prolonge  sa  vie,  et  luy  avoit  donne  tesmoignagne  d'une  amour  singuliere  envers  luy,  dit  que  de  tant  meilleur  courage  il  magnifiera  le  nom  de  Dieu,  pour  luy  faire  recognoissance  d'un  tel  benefice.  Et  notamment  il  adiouste  que  ce  ne  sera  point  seulement  cependant  qu'il  sera  au  monde  qu'il  taschera  que  Dieu  soit  benit,  mais  que  pour  ses  successeurs  il  s'efforcera  que  tousiours  on  cognoisse  comme  Dieu  a  besongne  envers  luy.  Et  finalement  pour  conclusion  il  dit  qu'il  n'y  a  que  Dieu  pour  Sauveur,  et  que  si  on  se  repose  en  luy,  le  salut  sera  certain  et  infallible.  Mais  cependant  on  pourroit  trouver  estrange  qu'il  dit  que  Ia  mort  ne  sera  point  pour  louer  Dieu,  ne  le  sepulchre:  car  il  semble  qu'il  ne  36*