25:566  24.  Cui  respondit  populus,  Iehovae  Deo  nostro  serviemus,  et  voci  eius  obediemus.  15.  Quod  si  molestum  est.  Videtur  hic  parum  respicere  Iosue  quid  deceat  probum  et  cordatum  ducem.  Si  populus  relicto  Deo  post  idola  abreptus  fuisset,  illius  erat  de  impia  et  scelesta  defectione  poenam  exigere.  Nunc  vero  optione  data,  servire  Deo  velint  necne,  habenas  laxat,  quo  audacius  ruant  ad  peccandi  licentiam.  Absurdius  etiam  quod  sequitur,  ubi  negat  Deo  posse  servire:  ac  si  consulto  impellere  ipsos  vellet  ad  excutiendum  iugum.  Atqui  dubium  non  est,  quin  spiritus  instinctu  gubernata  fuerit  eius  lingua  ad  excutiendos  illorum  sensus.  Nam  ubi  Deus  homines  sub  imperium  suum  cogit,  plerumque  satis  voluntarii  sunt  ad  profitendum  studium  pietatis,  a  quo  tamen  statim  defluunt:  ita  aedificant  sine  fundamento.  Id  fit  quia  nec  de  sua  imbecillitate  satis,  ut  par  erat,  diffidunt,  nec  reputant  quam  difficile  sit  totos  se  Deo  addicere.  Quare  serio  examine  opus  est,  ne  levi  motu  in  arduum  feramur,  atque  ita  inter  primos  conatus  nos  successus  destituat.  Hoc  consilio  Iosue  probationis  causa  Iudaeos  emancipat,  ut  tanquam  soluti  et  sui  iuris  de  integro  eligant  quem  Deum  velint  colere,  non  ut  a  vera  religione  abigat,  qui  iam  plus  satis  erant  proclives:  sed  ne  inconsiderate  promittant  quod  paulo  post  violent.  Scopus  enim  Iosue  fuit  renovare  foedus  ac  sancire  cum  Deo  iam  percussum,  ut  videbimus.  Non  abs  re  igitur  illis  datur  eligendi  libertas,  ne  postea  necessitatem  obtendant,  ubi  se  proprio  consensu  obligaverint.  Interea  ut  pudorem  ipsis  incutiat,  se  in  Dei  cultu  cum  domo  sua  perseveraturum  testatur.  16.  Cui  respondit  populus.  Hic  iam  non  poenitendus  fuit  fructus  optionis  datae,  ubi  populus  non  iurat  in  alterius  verba,  nec  quod  aliunde  dictatum  fuit  quasi  pro  obsequio  ratum  habet:  sed  nefas  esse  pronunciat  a  Deo  desciscere.  Atque  ita  ad  foederis  confirmationem  non  parum  valet,  quod  sibi  ultro  legem  imponit.  Summa  responsi  est,  quum  Deus  ipsos  mirabili  redemptione  sibi  acquisierit  in  populum  peculiarem,  perpetuo  auxiliatus  sit,  atque  ostenderit  se  ipsis  esse  in  Deum,  detestabilem  fore  ingratitudinem,  si  eo  repudiato,  ad  deos  alienos  desciscant.  19.  Dixitque  Iosue.  Hic  vero  prorsus  absurde  facere  videtur  Iosue,  qui  promptum  et  alacre  populi  studium  terrore  frangit.  Quorsum  enim  negat  posse  servire  Deo,  nisi  ut  ipsa  aevva^a  eos  in  desperationem  coniiciat,  qua  a  timore  Dei  alienari  necesse  fuit?  Verum  hac  quamvis  aspera  contestatione  socordem  populum,  et  securitate  hebetem  expergefieri  necesse  fuit:  quod  videmus  saltem  momentaneo  successu  non  caruisse.  Neque  enim  animos  despondent,  vel  segniores  redduntur:  sed  hoc  36*