5:565  ACTES  DE  RATISBONNE.  authorite  qu'elle  a  par  devers  soy  la  vraye  intelligence  et  interpretation  de  l'escripture.  Car  elle  retient  le  fondement  et  a  le  don  d'interpretation,  comme  dit  sainct  Paul.  Mais  aucunefoys  plus  pur,  aucunefoys  moins.  Quand  Paul  Samosatenus  ancien  hereticque,  estant  mene  de  sa  rage,  ne  vouloit  accorder  que  la  parolle  au  premier  chapitre  de  sainct  Iehan,  se  deust  entendre  la  personne  du  [fol.  63]  Filz  de  Dieu:  les  Evesques  voisins  convindrent,  et  monstrerent  par  la  procedure  mesme  de  l'Evangeliste  et  aultres  passages,  qu'il  le  falloit  ainsi  prendre  :  et  pareillement  asseurcrent,  que  ceste  avoit  este  la  sentence  de  l'Eglise  catholique,  enseignee  des  le  temps  des  Apostres.  Du  temps  que  Pelagius  sema  son  opinion  philosophicque  de  la  iustice  des  oeuvres,  de  la  quelle  phantasie  plusieurs  et  quasi  la  plus  part  avoyent  desia  este  abreuvez  par  les  livres  d'Origenes,  Dieu  emflamba  le  coeur  de  sainct  Augustin,  pour  veoir  et  consulter  cest  erreur,  et  mettre  en  avant  la  doctrine  de  la  grace  au  contraire.  Voila  comme  le  don  d'interpretation  est  par  devers  la  vraye  Eglise  :  mais  il  ne  est  pas  attache  a  certaines  personnes,  ny  a  certains  lieux  :  et  maintenant  est  donne  a  plus  grand  nombre,  maintenant  a  plus  petit:  aucunefoys  plus  entier  et  excellent,  aucunefoys  moins.  Comme  sainct  Paul  dict,  que  aucuns  bastissent  foin  et  paille  sur  ce  fondement.  Puis  donc  qu'en  l'Eglise  est  le  don  de  interpretation,  il  la  convient  ouyr  quand  elle  enseigne.  Or  qui  seront  ceux  qui  l'auront,  on  la  congnoistra  par  ces  deux  signes:  par  tesmoignages  de  l'escripture  bien  conformes  a  ce  qu'on  dira,  et  par  le  consentement  universel  des  fideles.  Nous  appellons  le  consentement  universel  tant  des  Peres  du  vieil  Testament,  que  des  Prophetes  et  Apostres:  et  ce  que  nous  entendrons  par  certains  tesmoignages  avoir  este  enseigne  d'eulx,  avec  ce  qui  sera  accordant.  Comme  Origenes  recite,  que  le  Baptesme  des  petiz  enfans  a  este  baille  par  leurs  mains:  et  Ireneus  afferme,  qu'il  tient  de  Polycarpe  la  doctrine  des  deux  natures  au  Filz  de  Dieu:  et  que  Polycarpe  l'avoit  receu  de  sainct  Iehan.  Il  y  a  beaucoup  d'exemples  semblables  aux  anciens  Docteurs,  qui  sont  comme  hystoires  de  l'Eglise  premiere  pour  nous  monstrer  la  doctrine  quelle  a  tenue.  Et  d'autant  que  ce  qu'elle  a  senty  convient  tresbien  avec  les  escriptures,  c'est  une  tresbonne  ayde  pour  confermer  les  coeurs  des  fideles.  Mais  cependant  la  foy  se  repose  sus  le  parolle  de  [fol.  64]  Dieu  enseignee  par  les  Apostres  et  Prophetes.  Possible  qu'un  payen  lisant  ceste  sentence:  Dieu  estoit  la  parolle,  ne  penseroit  pas,  que  ce  mot  signifiast  la  personne  du  Filz  de  Dieu.  Pourtant  il  fault  escouter  l'Eglise  en  laquelle  il  y  a  consentement  universel  pour  l'exposer  ainsi:  ainsi  le  fidele  estant  admoneste  et  ay  de  de  ceste  interpretation