48:565  565  CAPUT  XXVIII.  566  meminit.  Est  autem  in  agro  Brutiorum,  sicuti  Puteoli  urbs  Campaniae.  Caeterum,  quum  Puteolis  Paulum  retinuerint  fratres  per  dies  septem,  hinc  colligimus  quam  benigne  et  indulgenter  egerit  cum  eo  centurio.  Nec  vero  dubito,  quin  fidem  illi  sanctus  vir  dedisset,  semper  se  ad  condictum  tempus  adfuturum.  Sic  autem  de  eius  integritate  persuasus  ille  erat,  ut  nihil  fraudis  timeret.  Iam  vero  colligimus  ex  hoc  loco,  sparsum  tunc  fuisse  evangelii  semen,  quando  et  Puteolis  aliquod  erat  ecclesiae  corpus.  15.  Et  inde  quum  audissent  fratres  de  nobis,  prodierunt  in  occursum  nobis  iisque  ad  Appii  forum  ac  Tres  Tabernas.  Quos  quum  vidisset  Paulus,  gratiis  actis  B  eo  j  sumpsit  fiduciam.  16.  Quum  autem  venissemus  Romam,  centurio  tradidit  vinctos  principi  exercitus.  Permissum  autem  est  Paulo  ut  maneret  solus  cum  custodiente  ipsum  milite.  17.  Post  tertium  autem  diem  convocavit  Paulus  primarios  ex  Iudaeis:  quumque  venissent  j  dixit  eis:  Ego,  viri  fratres,  quum  nihil  fecerim  adversus  plebem  aut  instituta  maiorum,  vinctus  Ierosolymis  traditus  sum  in  manus  Romanorum:  18.  qui  quum  examinassent,  voluerunt  me  dimittere,  eo  quod  nulla  esset  causa  mortis  in  me.  19.  Sed  contradicentibus  Iudaeis,  coactus  sum  appellare  Caesarem:  non  quasi  habeam  de  quo  gentem  meam  accusem.  20.  Propter  hanc  igitur  causam  advocavi  vos,  ut  viderem  et  alloquerer.  Propter  spem  enim  Israelis  catena  hac  circumdatus  sum.  15.  Quum  audissent  fratres.  Fratrum  occursu  Deus  animum  Pauli  iam  erexit,  quo  alacrius  ad  evangelii  defensionem  properaret.  Fratrum  autem  zelus  et  pia  sollicitudo  se  in  eo  profert,  quod  de  Pauli  adventu  inquirunt,  et  exeunt  illi  obviam.  Tunc  enim  fidem  christianam  profiteri  non  odiosum  modo  erat,  sed  vitae  etiam  periculum  illis  poterat  creare.  Nec  privatum  discrimen  tantum  subibant  pauci  homines:  quia  in  totam  ecclesiam  redundabat  invidia.  Sed  nihil  illis  pluris  est  quam  officium,  cui  sine  turpi  ignaviae  et  ingratitudinis  nota  deesse  non  poterant.  Tantum  Christi  apostolum  negligere  immane  fuisset,  praesertim  pro  communi  salute  laborantem.  Quum  vero  iam  prius  ad  eos  scripsisset,  ultroque  illis  detulisset  suam  operam,  non  referre  vicissim  fraternam  benevolentiam,  indignum  fuisset.  Ergo  hoc  officio  testati  sunt  fratres  suam  in  Christum  pietatem:  et  magis  accensum  fuit  Pauli  studium,  quod  suae  constantiae  paratum  esse  fructum  cerneret.  Quamquam  enim  invicta  fortitudine  praeditus  erat,  ut  ab  humanis  subsidiis  minime  penderet,  Deus  tamen,  qui  suos  humanitus  confirmare  solet,  novum  illi  vigorem  hoc  modo  subiecit.  Postea,  quum  destitutus  esset  in  carcere,  sicuti  alibi  conqueritur,  tamen  animum  minime  despondit:  sed  sub  Christi